HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

150 միլիոն դրամ կհատկացվի Ագրարային համալսարանին փոխանցված շենքի նորոգման համար

Կառավարությունն այսօրվա նիստին որոշեց կրթության և գիտության նախարարությանը հատկացնել 150 միլիոն դրամ՝ Հայաստանի ազգային ագրարային համալսարանին հանձնված շենքի հիմնանորոգմանն աջակցելու նպատակով։ Նախարարությանը գումարը կտրամադրվի կառավարության պահուստային ֆոնդից։

Ինչպես հարցը զեկուցելիս հայտնեց կրթության և գիտության փոխնախարար Վահրամ Մկրտչյանը, ԿԳՆ-ին փոխանցվող գումարը հետագայում տրամադրվելու է Ագրարային համալսարանին, որպեսզի վերանորոգի բուհին փոխանցված Ալեքսանդր Գրիբոյեդովի անվան դպրոցի նախկին շենքը:

Համալսարանի՝ հիմնանորոգման ենթակա շենքը գտնվում է Մյասնիկյան պողոտա 2 հասցեում։ Ուսումնասիրության արդյունքում պարզվել է, որ հիմնանորոգման աշխատանքների, այդ թվում՝ ինժեներական կոմունիկացիաների անցկացման, ներքին հարդարման, բարեկարգման նախահաշվային արժեքը կազմել է 248 միլիոն դրամ: Գումարից 150 միլիոնը՝ որպես աջակցություն, պետք է տրամադրի կառավարությունը, իսկ մնացած մասը համալսարանը կտրամադրի իր ունեցած խնայողություններից:

Լուսանկարում համալսարանի գլխավոր մասնաշենքն է՝ Տերյան փողոցում

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter