HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Փաշինյանը հանձնարարեց մեխանիզմներ մշակել՝ արագաչափերի կուտակած տույժ-տուգանքներին համաներում տալու համար

Վարչապետ Նիկոլ Փաշինյանը կառավարության նիստում հանձնարարեց միջոցներ ձեռնարկել արագաչափերի և տեսանկարահանող սարքերի հետևանքով կուտակված տույժ տուգանքներին համաներում տալու համար։ Այս խնդրի մասին խոսելիս նա դիմեց ոստիկանապետ Վալերիյ Օսիպյանին և Արդարադատության նախարար Արտակ Զեյնալյանին։

«Նախ կարծում եմ, որ այնտեղ հսկայական տուգանքներ կան կուտակված, մարդիկ չեն վճարել՝ ենթադրվում է դրա հնարավորությունը չունենալու պատճառով, մենք պետք է մեխանիզմներ մշակենք այդ պարտքին ներում տալու համար և պետք է մտածել մեխանիզմներ՝ արագաչափերի և տեսախցիկների գործունեության հետագա արդյունավետության համար»,- ասաց Փաշինյանը։

Վարչապետ Փաշինյանի կարծիքով՝ նպատակահարմար կլինի ինչ-որ ժամանակով, եթե կա նման օրենսդրական հնարավորություն, այդ տեսախցիկների գործունեությունը դադարեցնել։

«Հենց այսօրվանից այդ պրակտիկան պետք է դադարեցնենք, երբ հոծ գծեր շոշափելու համար մարդկանց տուգանում են,- ասաց Փաշինյանը, ապա հավելեց,- մարդկանց անընդհատ տուգանելու մոլուցքի քաղաքականությունը պետք է շատ արագ կանգնեցնել, պետք է փոխենք մեր վերաբերմունքը այդ հարցի կապակցությամբ»։

Վարչապետը Արդարադատության նախարարին և ոստիկանապետին խնդրեց համատեղ, հնարավորինս արագ, այս խնդրով օրենսդրական նախաձեռնությամբ հանդես գալ։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter