Երեքշաբթի, 18 սեպտեմբերի

2 մլն 120 հազար եվրո՝ Ֆրանկոֆոնիայի գագաթնաժողովի և Երևանի 2800 ամյակին նվիրված համերգի կազմակերպման համար



Ֆրանկոֆոնիայի միջազգային կազմակերպության 17-րդ գագաթնաժողովն անցկացվելու է Հայաստանում՝ հոկտեմբերին: Գագաթնաժողովի միջոցառումների և Երևան քաղաքի 2800 ամյակին նվիրված համերգի միջոցառումների դիզայնի մշակման, կազմակերպման և իրականացման հարցերով խորհրդակցական, աջակցման ծառայությունների մատուցման համար Արտաքին գործերի նախարարությունը պետական կարիքների համար ծառայությունների մատուցման պայմանագիր է կնքել ֆրանսիական «Աժանս Պյուբլիկս-Գրուպ ԷՍԼ/ Նետվորկ» ընկերության հետ:

Պայմանագիրը կողմերի միջև կնքվել է ապրիլի 14-ին, իսկ գինը կազմում է 2 մլն 120 հազար եվրո, կամ համարժեք՝ 1 մլրդ 277 հազար 724 հազար դրամ: Պայմանագրով նշված է, որ փոխարժեքի տատանումներից ելնելով գինը չի կարող գերազանցել 1 մլրդ 314 հազար 400 հազար դրամը: Գինը ներառում է ընկերության կողմից իրականացվող բոլոր ծախսերը, այդ թվում՝ հարկերը, տուրքերը, ինչպես նաև Հայաստանի և Ֆրանսիայի օրենսդրությամբ սահմանված այլ վճարները:

Ըստ պայմանագրի՝ ամբողջ գումարի 30%-ը, այն է՝ 636,000 եվրոն վճարվել է պայմանագրի ստորագրման պահին, իսկ մնացած վճարումը փուլ առ փուլ իրականացվելու է մինչև հոկտեմբերի 15-ը:

Նշենք, որ Ֆրանկոֆոնիայի միջազգային կազմակերպությունը (ՖՄԿ / Organisation Internationale de la Francophonie) ֆրանսերենի և համընդհանուր արժեքների ամրագրման և տարածման միջազգային հաստատություն է, որը հիմնադրվել է 1970թ-ին։ 2012թ. հոկտեմբերին Քինշասայում (Կոնգոյի Դեմոկրատական Հանրապետություն) կայացած Ֆրանկոֆոնիայի գագաթաժողովի ժամանակ, որին մասնակցել է Հայաստանի արտաքին գործերի նախարարը, Հայաստանը ձեռք է բերել Ֆրանկոֆոնիայի միջազգային կազմակերպության լիիրավ անդամի կարգավիճակ՝ դառնալով 54-րդ անդամ-երկիրը:

Նախատեսված է, որ Երևան քաղաքի 2800 ամյակի և Ֆրանկոֆոնիայի 17-րդ գագաթնաժողովի համերգների կազմակերպման համար նախատեսված է Հանրապետության հրապարակում 30x20 մետր չափերով շերտապատված համերգային բեմի տեղադրում և պահպանում՝ համերգից համերգ: Տեղադրվելու է երկու մեծ տեսաէկրան՝ Հանրապետության հրապարակի ողջ հատվածում ներկա գտնվող հանդիսատեսի համար համերգի տեսանելիությունն ապահովելու նպատակով: Այլ ծառայությունների մատուցում ևս նախատեսված է:

Ինչ վերաբերում է գագաթնաժողովի հանդիսավոր բացման արարողությանը, ապա պետությունների և պատվիրակությունների ղեկավարների համար պատրաստվելու է 90 տեղանոց օթյակ՝ իր դիզայնով: Տեղադրվելու են LED էկրաններ և այլն:

 


Գլխավոր էջ



Մեկնաբանություններ (10)
1. Դեսպան18:25 - 26 մայիսի, 2018
Առնվազն Արմինեն և Արթուրը լավատեղյակ են գործարքից
2. Protokol01:15 - 27 մայիսի, 2018
այդ երկուսը մեռան ուտելով հիմնադրամի գումարները
3. Վլադիմիր14:33 - 27 մայիսի, 2018
Նոր ղեկավարությունը ճիշտ կանի, եթե այդ հիմնադրամի վերահսկողության մեխանիզմները կորդինալ վերանայի, հատկապես Նալբանդյանի հրաժարականից հետո Արթուրն ու Արմինեն կփորձեն օգտվելով խառը իրավիչակից խոշոր ավար թռցնեն
4. Satenik16:31 - 27 մայիսի, 2018
Առաջարկում եմ այդ հիմնադրամի կառավարմանը ընդգրկել ավելի լայն շրջանակ: Թող բոլոր ստորաբաժանումներից մարդ ներգրավեն, ոչ Արթուրն է իր հոր տնից բերել այդ գումարները, ոչ էլ առավել ևս Արմինեն
5. Նելլի18:53 - 28 մայիսի, 2018
Պարզից էլ պարզ էր, որ այդ երկուսը ինչ ուզել արել են այդ հիմնադրամի գումարները, այլապես այդ Արթուր կոչեցյալին որտեղից կենտրոնում բնակարանն ու թանկարժեք մեքենան
6. Vasil21:00 - 28 մայիսի, 2018
Воруют бессовестно надо срочно принимать меры
7. Ջուլիետա09:28 - 29 մայիսի, 2018
Իմ կոֆեին չկպնեն ինչ ուզում են թող անեն
8. Նինել12:27 - 29 մայիսի, 2018
Ինչ կլինի որ մեզել ներգրավեն այդ հիմնադրամի գումարների ծախսմանը, մի բանել մենք հետ գցենք
9. Հյուպատոս15:22 - 29 մայիսի, 2018
Ուզում եմ բոլորիտ ուշադրությունը հրավիրել նաև տպագրության ձեռքբերման վրա: Ինձ հասած տեղեկությունների համաձայն այդ Արթուրը նույնպես : Դա լրիվ գանձարանագող է
10. Գնդապետ13:27 - 31 մայիսի, 2018
ՀՀ քրեական օրենսգրքի Հոդված 333. «Սուտ մատնությունը» 1. Հանցագործության մասին սուտ մատնությունը, եթե անձը գործել է` գիտակցելով, որ իր տրամադրած տեղեկատվությունը կեղծ է՝ պատժվում է տուգանքով՝ նվազագույն աշխատավարձի երկուհարյուրապատիկից չորսհարյուրապատիկի չափով, կամ կալանքով՝ մեկից երեք ամիս ժամկետով, կամ ազատազրկմամբ՝ առավելագույնը երկու տարի ժամկետով: 2. Նույն արարքը, որը՝ 1) զուգորդվել է ծանր կամ առանձնապես ծանր հանցագործության մեջ մեղադրելով, 2) զուգորդվել է մեղադրանքի արհեստական ապացույցներ ստեղծելով, 3) կատարվել է շահադիտական դրդումներով՝ պատժվում է ազատազրկմամբ՝ առավելագույնը հինգ տարի ժամկետով:
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ