HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

ԱԱԾ-ն հաստատեց՝ «Երևան սիթի»-ի գլխամասում ԱԱԾ աշխատակիցներն են

Ազգային անվտանգության ծառայության աշխատակիցներն այս պահին գտնվում են «Երևան սիթի»-ի գլխամասային գրասենյակում: Վերջիններս համապատասխան միջոցառումներ են իրականացնում: Այս մասին «Հետք»-ին ասաց ԱԱԾ մամուլի խոսնակ Սամսոն Գալստյանը:

Նշենք, որ այսօր առավոտյան տեղեկություններ էին տարածվել այն մասին, որ ՊԵԿ աշխատակիցները գտնվում են «Երևան սիթի»-ի գլխամասային գրասենյակում, սակայն քիչ ավելի ուշ ՊԵԿ մամուլի ծառայությունը հերքեց այդ տեղեկությունը:

Փաստորեն գրասենյակում ոչ թե ՊԵԿ, այլ ԱԱԾ աշխատակիցներն են:

Նշենք, որ այս օրերին մամուլում հրապարակումներ են եղել «Երևան սիթի»-ում ենթադրյալ չարաշահումների մասին:

Ավելի վաղ էլ ԱԱԾ տնօրեն Արթուր Վանեցյանը, կոնկրետ անուններ չնշելով, հայտարարել էր, որ 350 քաղաքացիների անուններով Ա/Ձ-ներ են բացվել և նրանց անունով որոշները բիզնես ես իրականացրել:

Սամսոն Գալստյանն այս պահին «Երևան սիթի»-ի գլխամասում կատարվող միջոցառումների վերաբերյալ այլ մանրամասներ չհայտնեց:

Այսօր տեղեկություն էր տարածվել նաև Սամվել Ալեքսանյանի բնակարան իրավապահների այցելության մասին: Սամսոն Գալստյանը մեզ հետ զրույցում նշեց, որ այս առնչությամբ ևս տեղեկություն չունեն հայտնելու:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter