Կիրակի, 23 սեպտեմբերի

Կապանի կոմբինատում գործադուլը դադարեցված է. կողմերը համաձայնության են եկել



Այսօր առավոտյան Կապանի լեռնահարստացուցիչ կոմբինատի՝ ամսի 25-ից գործադուլ սկսած աշխատակիցները հանդիպել են Սանկտ Պետերբուրգից ժամանած «Պոլիմետալ» ընկերության ներկայացուցիչներին: Հանդիպմանը ներկա է եղել նաև կոմբինատի տնօրեն  Դմիտրի Ուշկովը:

Հիշեցնենք, որ գործադուլավորները պահանջում էին աշխատավարձերի 40 տոկոս բարձրացում:

Գործադուլի մասնակցի փոխանցմամբ՝ բանակցությունները հաջողությամբ եմ ավարտել: Աշխատակիցներից կազմված 13-հոգանոց հանձնաժողովը ներկայացրել է աշխատակիցների պահանջները: Իր հերթին ռուսական ղեկավարությունն առաջարկել է 10 տոկոսով բարձրացնել աշխատավարձերը, բացի դրանից, ինչպես մեզ հայտնեց աշխատակիցներից մեկը, խոստացել են վերանայել գիշերային հերթափոխի և վտանգավորության վարձատրության չափն ու պարգևավճարների համակարգը: «Այս ամենը որ գումարենք, մոտ 40 տոկոսի է հասնելու»,- ասել է մեր զրուցակիցը:

Գործադուլի մասնակիցները նաև պահանջել են, որ հացադուլի 6 մասնակիցների նկատմամբ դադարեցվեն ոստիկանության հետապնդումները, և իրենք գրավոր փաստաթղթով ստանան զանգվածային կրճատումներ չանելու խոստումը:

Աշխատակիցը, որ 15 տարի հանքափոր է աշխատում կոմբինատում, տեղեկացրել է, որ վաղը՝ ժամը 13:00-ին, դարձյալ հանդիպելու են ընկերության ներկայացուցիչներին՝ քննարկելու աշխատավարձերի, ինչպես նաև հանքի անվտանգության հարցերը:

Նա նաև ավելացրեց, որ վաղն առավոտյան աշխատանքի է գնալու:

 


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ