Շաբաթ, 18 օգոստոսի

Մասիսի քաղաքապետը ծառայությունների մատուցման պայմանագրեր է կնքել իր օգնականի հոր հետ



Հունիսի 1-ը նշվում է որպես երեխաների պաշտպանության միջազգային օր: Մասիսի քաղաքապետարանը տոնին նվիրված միջոցառման կազմակերպման համար նախատեսում է ձևավորել այգին՝ փուչիկներով , խաղալիքներով, ժապավեններով: Այդ նպատակով քաղաքապետարանի՝ ի դեմս քաղաքապետ Դավիթ Համբարձումյանի և անհատ ձեռնարկատեր Վարդան Ղուկասյանի միջև, մայիսի 29-ին կնքվել է ծառայությունների մատուցման պայմանագիր: Այդ պայմանագրի շրջանակներում միջոցառման կազմակերպման նպատակով պետք է ձեռք բերվեն նաև ձայնային տեխնիկա՝ բարձրախոսներ, օդային նկարահանում, տեսահոլովակի պատրաստում և այլն:

Պայմանագրի ընդհանուր գումարը կազմել է 850 հազար դրամ: Ուշագրավն այն է, որ պայմանագրի կողմ հանդիսացող Վարդան Ղուկասյանը Մասիսի քաղաքապետի օգնական Էդգար Ղուկասյանի հայրն է: Այսինքն՝ քաղաքապետը պայմանագիր է կնքել օգնականի հոր հետ:

Նշենք, որ Էդգար Ղուկասյանը Մասիսի քաղաքապետի օգնականն է դարձել 2016թ. դեկտեմբերի 1-ին:

Քաղաքապետի օգնականի հայր Վարդան Ղուկասյանը Մասիսի քաղաքապետարանին ծառայություններ է մատուցել նաև մայիսի 28-ին՝ Հանրապետության տոնի առթիվ: Այդ օրը, ըստ կնքված պայմանագրի, ԱՁ Վարդան Ղուկասյանը պետք է ձեռք բերեր լայնաֆորմատ տպագրություն՝ քառօրյա պատերազմին զոհված տղաների նկարներով: Բացի այդ, համերգային ծրագրի համար վարձակալեր հնչյունային տեխնիկա, ինչպես նաև իրականացներ նկարահանում: Այս պայմանագիրը կնքվել է մայիսի 25-ին, որի գինը կազմել է 750 հազար դրամ:

Պարզվում է Վարդան Ղուկասյանը նաև համակարգչային սարքավորումների ընթացիկ նորոգման ծառայություններ է մատուցել Մասիսի քաղաքապետարանին: Մասնավորապես՝ հունվարի 24-ին քաղաքապետ Համբարձումյանի և անհատ ձեռնարկատիրոջ միջև կնքվել է պայմանագիր, որի ընդհանուր արժեքը կազմել է 500 հազար դրամ:

Նշենք, որ համակարգչային սարքավորումների ընթացիկ նորոգման ծառայություններ մատուցելու պայմանագրում, թեև նշված է քաղաքապետի անունը, սակայն ստորագրությունն ակնհայտ տարբերվում է մյուս պայմանագրերի ստորագրություններից:

Ընդհանուր առմամբ Մասիսի քաղաքապետարանն այս տարվա ընթացքում 2 մլն 100 հազար դրամի պայմանագիր է կնքել քաղաքապետի օգնականի հոր հետ:

Lուսանկարում Մասիսի քաղաքապետ Դավիթ Համբարձումյանն է:


Գլխավոր էջ

Տպել    |  In English



Մեկնաբանություններ (4)
1. Hagop09:49 - 2 հունիսի, 2018
Dirt bag. Look at his scummy face. Corrupt!
2. Արմենակ Եղիայեան04:07 - 4 հունիսի, 2018
Մարդկային այսպիսի տականք մը միայն Սերժ Սարգսեանն ու եղբայրները կրնային հնարել ու պաշտօնի բերել:
3. Էմմա17:28 - 6 հունիսի, 2018
եթե օգնականի հայրը կարող է կազմակերպել նման միջոցառումներին տեխնիկայով ապահովելը ,ինչ անթույլատրելի բան կա? ինչ տարբերություն օգնականի հայրն է թե մի այլ մարդ է , կարևորը ըստ իս,թալան արած չլինի,ավել փողեր դուրս գրած չլինեն:
4. Vahram11:14 - 7 հունիսի, 2018
Էմմա ջան դու ինչ պաշտոն ես զբաղեցնում Մասիսի քաղապետարանում? Դուքել եք իրականությունից աջատվել: Միքիչել սպասեք սառը դուշը գալիսա:
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ