Չորեքշաբթի, 26 սեպտեմբերի

Տարածք հատկացվեց միջուկային անվտանգության կարգավորման կոմիտեին



Կառավարությունը այսօրվա նիստին որոշեց տարածք հատկացնել միջուկային անվտանգության կարգավորման կոմիտեին:

Կոմիտեին տրամադրվեց կառավարությանն առընթեր պետական գույքի կառավարման վարչության տնօրինության՝ Երեւան քաղաքի Ծովակալ Իսակովի N 50/12 հասցեում գտնվող արտադրական մասնաշենքի 3-րդ հարկից 501 քառ. մետր տարածք:

Կառավարության հավաստմամբ՝ տարածքի վերանորոգումից եւ կահավորումից հետո կստեղծվի Ճառագայթային չափումների ռեֆերենսային ռադիոքիմիական լաբորատորիա` իրականացնելու շրջակա միջավայրի ճառագայթային մոնիթորիգ եւ վերահսկողություն, ապահովելու Հայաստանի Հանրապետության բնակչության պաշտպանությունը իոնացնող ճառագայթման հնարավոր վնասակար ազդեցությունից, բարելավելու շրջակա միջավայրի պահպանությունը:

Լաբորատորիայի նորոգման ծախսերը նախատեսվում է կատարել 2019 թ. պետական բյուջեի հաշվին, իսկ ժամանակակից սարքերով, սարքավորումներով ապահովումը կլինի Եվրոպական Միության, Ատոմային էներգիայի միջազգային գործակալության եւ ԱՄՆ տեխնիկական համագործակցության ծրագրերի շրջանակներում:


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ