Հինգշաբթի, 20 սեպտեմբերի

Դատավոր Տաթևիկ Գրիգորյանի որոշմամբ՝ Մասիսի քաղաքապետն ազատ արձակվեց



Երևան քաղաքի ընդհանուր իրավասության դատարանը, նախագահությամբ դատավոր Տաթևիկ Գրիգորյանի, քիչ առաջ որոշեց Մասիսի քաղաքապետ Դավիթ Համբարձումյանին կալանավորելու վերաբերյալ միջնորդությունը մերժել ու քաղաքապետի ձերբակալման որոշումը ճանաչել ոչ իրավաչափ:

Դավիթ Համբարձումյանի նկատմամվ խափանման միջոց է ընտրվել չհեռանալու մասին ստորագրութկունը:

Հիշեցնենք, որ ապրիլի 22-ին' այն բանից հետո, երբ ԱԺ պատգամավորներ Նիկոլ Փաշինյանը, Արարատ Միրզոյանն ու Սասուն Միքայելյանը Էրեբունիում ձերբակալվել էին, դիմակավորված քաղաքացիական հագուստով անձինք մահակներով ու քարերով հարձակվել են երթի մասնակիցների վրա, բռնություն կիրառել ցուցարարների նկատմամբ, հայհոյել ու էլեկտրահարել նրանց:

Հարուցված քրեական գործի շրջանակներում Մասիսի քաղաքապետ Դավիթ Համբարձումյանը մեղադրվում է զանգվածային անկարգություններ կազմակերպելու և դրանց մասնակցելու մեջ, իսկ ձերբակալված մյուս մեղադրյալները, որոնց թվում փոխքաղաքապետ Կարեն Օհանյանը մեղադրվում են զանգվածային անկարգություններին մասնակցելու մեջ:

Այսօր քննարկվում էր Դավիթ Համբարձումյանի նկատմամբ խափանման միջոցը կալանավորումն ընտրելու վերաբերյալ միջնորդությունը։ Ձերբակալված երեք մեղադրյալի նկատմամբ կալանքը որպես խափանման միջոց ընտրելու միջնորդությունների վերաբերյալ արդեն որոշումներ կան: Նրանցից միայն մեկը՝ Գոռ Խաչատրյանն է կալանավորվել, իսկ Մասիսի քաղապետի հորեղբոր որդու՝ Գևորգ Համբարձումյանի և Սարգիս Սահակյանի կալանքի վերաբերյալ միջնորդությունները մերժվել են, նրանց ձերբակալման որոշումները ճանաչվել ոչ իրավաչափ:

Այս մեղադրյալների նկատմամբ խափանման միջոց է ընտրվել չհեռանալու մասին ստորագրությունը: Նշենք, որ այսօր ևս, ինչպես երեկ, դատարանի դիմաց բողոքի ակցիա է: Հավաքված քաղաքացիները պահանջում էին Դավիթ Համբարձումյանին ազատ արձակել:

Տիգրան Աթանեսյանն ավելի վաղ տեղեկացրել է, որ Մասիսի փոխքաղաքապետի՝ Կարեն Օհանյանի կալանքի միջնորդության քննությունը կքննվի Դավիթ Համբարձումյանի վերաբերյալ միջնորդության հրապարակումից հետո:


Գլխավոր էջ

Տպել    |  In English



Մեկնաբանություններ (3)
1. Լուսիկ15:40 - 2 հունիսի, 2018
Ժիրայր Սեֆիլյանի գործով բոլոր միջնորդութկյունները մերժած Տաթևիկ Գրիգորյանը բավարարեց հենց առաջի միջնորդությունն անհերքելի հանցագործություն կատարածի նկատմամբ: Իհարկե, այդ դատավորը հարմար գործիք է դատական համակարգում, ինչը որևէ կերպ չի ներում նրա սև գործերը:
2. Կարեն07:08 - 3 հունիսի, 2018
Ժամանակնա որ Վերահսկողության կամ մի նման ծառայությունը մանրամասն ուսումնադիրի էս Տաթևիկ Գրիգորյանին։ Հետաքրքիրա, որտեղից ինչ նվերներա նա ստանում։ Իր արձակուրդների ճանապաևորդություններն ինչ աղբյուր երից են վճարվում։
3. Hagop00:50 - 5 հունիսի, 2018
This mayor needs to spend a few hours in jail to understand how freedom of expression, free speech and the right to protest work. This is a NEW ARMENIA. Old thinking OUT. New thinking IN.
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ