Չորեքշաբթի, 26 սեպտեմբերի

Կաթի ընդունման գինը 10 դրամով իջեցրել են․ գյուղացիները ճանապարհ են փակել (տեսանյութ)




Հունիսի 1-ին Սիսիանի շրջանի Գորհայք համայնքի գյուղացիներին հայտնել են, որ այսուհետ 1 լիտր կաթը 150 դրամի փոխարեն ընդունելու են 140 դրամով։ Գորհայք համայնքի 4 գյուղերը (Սպանդարյան, Սառնակունք, Ծղուկ և Գորհայք) կաթը հանձնում են «Բորիսովկա» ՍՊԸ-ին, որը նույն համայնքում աշխատեցնում է պանրի գործարան։ Ընկերության հիմնադիր Մյասնիկ Գրիգորյանն ի պատասխան գյուղացիների բողոքի՝ ասել է, որ ինքն է որոշում, թե կաթն ինչ գնով ընդունի․ ոչ մարզպետը, ոչ էլ վարչապետն իրեն չեն կարող գին թելադրել։ Երեկ գյուղացիները, որպես բողոքի նշան, մոտ 1 ժամով փակել էին Սյունիքի մարզով անցնող միջպետական ճանապարհը։ Նրանք մթերած կաթը թափել են ճանապարհի մեջտեղը՝ նշելով, որ ավելի լավ է կաթը թափեն, քան վաճառեն նման գնով։

Դեռ մայիսի կեսերին նույն ընկերությունը կաթի ընդունման գինը 160 դրամից իջեցրել էր 150-ի։ Գյուղացիների բողոքից հետո մարզպետարանից նամակ էին ուղարկել, որ «Բորիսովկա» ՍՊԸ-ի հետ պայմանավորվածություն են ձեռք բերել, որ կաթի գինն այսուհետ կպահպանվի 150 դրամի սահմաններում։ Ընդամենը օրեր անց ընկերությունը ևս 10 դրամով իջեցրել է ընդունման գինը՝ դարձնելով այն 140 դրամ։

Սյունիքի մարզի Գորհայք համայնքի բնակիչները դիմում են վարչապետ Նիկոլ Փաշինյանին և գյուղատնտեսության նախարար Արթուր Խաչատրյանին՝ պարտավորեցնել կաթ ընդունող «Բորիսովկա» ՍՊԸ-ին պահել կաթի գինն անփոփոխ, այլապես իրենք ստիպված կլինեն կրկին, բայց ավելի երկար ժամանակով փակել միջպետական ճանապարհը։


Գլխավոր էջ



Մեկնաբանություններ (2)
1. aram22:12 - 2 հունիսի, 2018
Dear farmer compatriots, this is given in life and business:" supply and demand". Soon there will be other items, such as fruits from the recently added thousands of acres orchards, that will either find new markets or switch to new vegetable varieties that the consumer will buy.
2. ominac00:03 - 3 հունիսի, 2018
Ցած գիները շատ լաւ պատճառ են որ ուրիշ գործով զբաղուիք։ Ժամանակները կը փոխուին, ատենն է դուք ալ հետը փոխուիք։ Ատենն է որ կազմակերպուիք եւ հաստատութիւններ կազմէք եւ պէտքական բան մը արտադրէք։ Շուկան ձեր աշխատանքը չի գնահատեր, ոչ ճամբան փակելը ոչ վարչապետը կրնայ ձեզ օգնել։
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ