HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Հրազդանում ԵՄ չափորոշիչներով աղբավայր կառուցելու համար կառավարությունը հողամաս նվիրաբերեց

Հրազդան քաղաքում Եվրոպական Միության չափորոշիչներին համապատասխան աղբավայր կառուցելու նպատակով կառավարությունն այսօրվա նիստում հողամաս նվիրաբերեց «Կոտայքի և Գեղարքունիքի ԿԿԹԿ» ընկերությանը: Հողամասը գտնվում է Երևան-Սևան մայրուղի թիվ 51 հասցեում և օգտագործվելու է բացառապես Հայաստանի ու Վերակառուցման և զարգացման եվրոպական բանկի միջև 2016 թվականին ստորագրված «Կոտայքի և Գեղարքունիքի մարզերի կոշտ թափոնների կառավարման ծրագիր» վարկային համաձայնագրով նախատեսված աղբավայրի կառուցման նպատակով:

Որոշման նախագիծը գործադիրի քննարկմանը ներկայացրել էր տարածքային կառավարման և զարգացման նախարար Սուրեն Պապիկյանը: «Համաձայնագրի դրույթների համաձայն` կառուցվող աղբավայրը պետք է սպասարկի Կոտայքի և Գեղարքունիքի մարզերի բոլոր բնակավայրերը, այն պետք է պատկանի երկու մարզերի 12 քաղաքներին»,- նշեց Պապիկյանը:

Իրավաբանական անձանց պետական ռեգիստրի տվյալներով՝ «Կոտայքի և Գեղարքունիքի ԿԿԹԿ» ընկերությունը հիմնադրվել է 2016 թվականին, դրա սեփականատերերը Կոտայքի և Գեղարքունիքի մարզի 12 համայնքներ են:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter