ՈՒրբաթ, 17 օգոստոսի

Արմեն Սարգսյանն ԱԶԲ ներկայացուցիչներին առաջարկել է ընդլայնել փոխգործակցության շրջանակը



Նախագահ Արմեն Սարգսյանն այսօր ընդունել է Ասիական զարգացման բանկի (ԱԶԲ) նախագահ Տակեիկո Նակաոյի գլխավորած պատվիրակությանը:

Ինչպես հայտնում է նախագահի պաշտոնական կայքը, ողջունելով հյուրերին՝ Սարգսյանը նշել է, որ Ասիական զարգացման բանկը Հայաստանի կարեւորագույն գործընկերներից է, որի օժանդակությամբ բազմաթիվ ծրագրեր են իրականացվել տնտեսության թե´ հանրային եւ թե´ մասնավոր հատվածներում, եւ տարբեր ոլորտներում կան հաջողված օրինակներ: Նախագահը քաջալերել է ընդլայնել փոխգործակցության շրջանակը՝ առանձնահատուկ կարեւորելով կրթության, տեղեկատվական տեխնոլոգիաների, գյուղատնտեսության, սննդի ոլորտների, փոքր ու միջին ձեռնարկությունների զարգացմանն ուղղված ծրագրերը:

Տակեիկո Նակաոն իր հերթին նշել է, որ Հայաստանի հետ արդյունավետ համագործակցություն է ձեւավորվել մի շարք ոլորտներում եւ ընդգծել, որ ԱԶԲ-ն պատրաստակամ է շարունակել զարգացմանը միտված ծրագրերի իրականացումը:


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ