HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տրդատ Մուշեղյան

Նիկոլ Փաշինյան. «Որևէ անարդյունավետ պաշտոնյա, ով էլ նա լինի, չի կարող շարունակել իր պաշտոնավարումը»

Նիկոլ Փաշինյանը «Ֆեյսբուք» սոցիալական ցանցի իր էջում ուղիղ եթերով պատասխանում էր քաղաքացիների հարցերին: Օգտատերերից մեկը հետաքրքրվեց, թե արդյոք վարչապետը տեղյակ է բոլոր նշանակումների մասին՝ հաշվի առնելով դրանցից մի քանիսի վիճահարույց լինելը:

«Եթե նշանակումները տեղի են ունենում իմ ստորագրությամբ, ապա ես իհարկե, տեղյակ եմ բոլոր նշանակումներից և տեղյակ եմ նաև, որ որոշ նշանակումներ հարցեր են առաջացնում»,- պատասխանեց Նիկոլ Փաշինյանը՝ միևնույն ժամանակ ընդգծելով, որ ոչ բոլոր նշանակումներն են իդեալական:

Նիկոլ Փաշինյանը առաջարկեց նշանակումների մասին փորձել դատել արդյունքներով. «Կային նշանակումներ, որոնց հետ կապված շատ լուրջ աղմուկ բարձրացավ, բայց գոնե այս ժամանակահատվածը ցույց տվեց, որ այդ նշանակումները արդարացված են, և այդ մարդիկ բարձր մակարդակով իրենց գործը անում են: Հիմա չեմ ասի, թե ում նկատի ունեմ, սակայն կարծում եմ՝ յուրաքանչյուրդ այդպիսի մի գնահատական ունեք»,- նշեց վարչապետը:

Շարունակելով թեման՝ Նիկոլ Փաշինյանը հավաստիացրեց, որ իրենք փորձում են հնարավորինս արդյունավետ աշխատել և ճիշտ քաղաքականություն վարել այդ հարցում: 

«Եթե ես զգամ, որ իրադարձությունները զարգանում են կատաստրոֆիկ դառնալու ուղղությամբ, ապա շատ արագ միջոցներ կձեռնարկեմ»,- ընդգծեց Նիկոլ Փաշինյանը:

Եզրափակելով պատասխանը՝ վարչապետը նշեց, որ որևէ անարդյունավետ պաշտոնյա, ով էլ նա լինի, չի կարող շարունակել իր պաշտոնավարումը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter