Հինգշաբթի, 20 սեպտեմբերի

«Ավո, դու անմահ ես»․ Մարտունիում Մոնթեի հիշատակի օրերն են



«Ավո, դու անմահ ես» այս խոսքով մեկնարկեց Արցախի Մարտունի քաղաքում Մոնթե Մելքոնյանին՝ մարտունեցիների շրջանում՝ Ավոյին նվիրված հիշատակի միջոցառումը։

Հունիսի 12-ին Հայաստանի և Լեռնային Ղարաբաղի Հանրապետությունների ազգային հերոս, Մարտունու շրջանի ինքնապաշտպանական ուժերի հրամանատար Մոնթե Մելքոնյանի մահվան 25-րդ տարելիցն է։ Մարտունիում են Մոնթեի ընտանիքի անդամները՝ այրին, եղբայրը, քույրերն իրենց ընտանիքներով, մարտական ընկերներ՝ Հայաստանից ու Սփյուռքից։ Հիշատակի արարողությունը սկսվեց Մարզիլի բնակավայրում Մոնթեին նվիրված հուշարձան այցով, ապա Մարտունու կենտրոնական հատվածում Մոնթեին նվիրված կիսանդրու մոտ տեղի ունեցավ հիշատակի արարողություն։ Մարտունեցիները հյուրերին սպասում էին մշակույթի տանը։ Այստեղ ցուցադրվեցին Մոնթեի խոսքերից, հարցազրույցներից հատվածներ, Մոնթեի անվան մանկապարտեզի սաները երգեցին ու պարեցին ի հիշատակ Մոնթեի։

Մոնթեի եղբայրը՝ Մարգար Մելքոնյանը, Մելքոնյան ընտանիքի անունից շնորհակալություն հայտնեց մարտունեցիներին՝ ասելով, որ Մոնթեն արդեն իրենց զավակն է։ 

Մոնթեի կինը՝ Սեդա Գպրանեան-Մելքոնյանն ասաց, որ Մոնթեի հիշատակի օրերի համար հայրենիք վերադառնալը իրեն համար հակասական զգացողություններ է առաջացնում։

«Մե կողմեն գիտես, որ ֆիզիկապես այլևս պտի չտեսնիս այդ մարդուն, բայց մյուս կողմե շնորհակալ ես, որ կյանքիդ մեջ այդպիսի մարդու տեսած իս», - ասաց նա։

Մոնթեի քույրերը՝ Մայլե, Մարսիա Մելքոնյանները

Սեդա Գպրանեան-Մելքոնյանի քույրերը

Սեդայի որդին՝ Սարո-Մոնթեն

Մոնթեի ազգականները

Մոնթեի ընկերները

Մարգար Մելքոնյանի դուստրն ու քույրը

Մելքոնյանի ընտանիքի անդամներն այցելեցին Մոնթեի մարտական ընկեր, վարորդ Կոմիտասի տուն։

Կոմիտասի մայրը՝ Ռաիսան՝ Մարգար Մելքոնյանի և Սեդա Գպրանեան-Մելքոնյանի հետ

լուսանկարները և տեսանյութը՝ Հակոբ Պողոսյանի


Գլխավոր էջ



Մեկնաբանություններ (1)
1. Harout Tamar Kochakian 07:24 - 23 հունիսի, 2018
Monte was is and always will be in our hearts. He will never be forgotten, his holy work for all Armenians will be always remembered and known to coming generations. The time is near to confirm who really did shoot the trigger and stole our heros life. They tried to cover the facts but Monte's faithful Father God in heaven will set the justice crystal clear. We love you our esbarabed Monte Melkonian
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ