HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

«Զինծառայողների ապահովագրության հիմնադրամ»-ում Վիգեն Սարգսյանին փոխարինեց Դավիթ Տոնոյանը

Կառավարության նիստում այսօր հաստատված որոշման համաձայն` Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման հիմնադրամի հոգաբարձուների խորհրդի անդամի պաշտոնում Վիգեն Սարգսյանին փոխարինեց Դավիթ Տոնոյանը։

Հիշեցնենք, որ այս հիմնադրամին են փոխանցվում քաղաքացիների եկամուտներից ամեն ամիս գանձվող 1000-ական դրամները:

Այս հարցը չզեկուցվող է: Որոշման տեքստում նշվում է, որ ընդունումը պայմանավորված է այն հանգամանքով, որ պաշտպանության նախարար է նշանակվել Դավիթ Տոնոյանը, ուստի անհրաժեշտություն է առաջացել փոփոխություն կատարել Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման հիմնադրամի հոգաբարձուների խորհրդի անվանական կազմում:

Հիշեցնենք, որ Վիգեն Սարգսյանն այդ հիմնադրամի հոգաբարձուների խորհրդի նախագահն էր։

Հիմնադրամի կանոնադրության համաձայն՝ խորհրդի նախագահին իրենց կազմից ընտրում են հոգաբարձուների խորհրդի անդամները՝ հինգ տարի ժամկետով:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter