«Զինված խմբի» գործով Էդվարդ Ներսիսյանն ու Գառնիկ Մարգարյանն ազատ արձակվեցին
Երևան քաղաքի ընդհանուր իրավասության դատարանը, նախագահությամբ դատավոր Արմեն Բեկթաշյանի, այսօր որոշեց կալանքից ազատել «Զինված խմբի» գործով ամբաստանյալներ Գառնիկ Մարգարյանին և Էդվարդ Ներսիսյանին (հայտնի է Ապար անունով):
Գառնիկ Մարգարյանի համար անձնական երաշխավորություններ էին ներկայացրել Ազգային ժողովի պատգամավորներ Ալիկ Սարգսյանն ու Ֆելիքս Ցոլակյանը:
Էդվարդ Ներսիսյանն առողջական լուրջ խնդիրներ ունի, քրեակատարողական հիմնարկում գտնվելու ընթացքում գլխուղեղի կաթված է ստացել, և նախորդ դատական նիստին նրա պաշտպան Կարմեն Պողոսյանը միջնորդություն էր ներկայացրել իր պաշտպանյալի նկատմամբ ազատազրկման հետ կապ չունեցող խափանման միջոց ընտրելու վերաբերյալ:
Դատարանը մերժեց ՊՆ նախկին փոխնախարար Վահան Շիրխանյանի և մեկ ամբաստանյալի՝ Հարություն Սալնազարյանի խափանման միջոց կալանավորումը փոխելու՝ նրանց պաշտպանների ներկայացրած միջնորդությունները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել