Նախագահ Արմեն Սարգսյանն այսօր հրամանագրեր է ստորագրել, որոնցով Պաշտպանության նախարարությունում նոր նշանակումներ է կատարել:

Ըստ այդմ՝ Օնիկ Գասպարյանը նշանակվել է զինված ուժերի գլխավոր շտաբի պետի առաջին տեղակալ:

Ստեփան Գալստյանը նշանակվել է զինված ուժերի գլխավոր շտաբի պետի տեղակալ: 

Անդրանիկ Մակարյանը նշանակվել է զինված ուժերի մարտական պատրաստության վարչության պետ-զինված ուժերի գլխավոր շտաբի պետի տեղակալ:

Տիրան Խաչատրյանը նշանակվել  է զինված ուժերի գլխավոր շտաբի օպերատիվ վարչության պետ-զինված ուժերի գլխավոր շտաբի պետի տեղակալ:

Միևնույն ժամանակ՝ Արարատ Մելքումյանն ազատվել է պաշտպանության նախարարության առաջին բանակային կորպուսի հրամանատարի պաշտոնից: Նրա փոխարեն նշանակվել է Ժիրայր Պողոսյանը: 

Արմեն Սարգսյանի մեկ այլ հրամանագրով Անդրանիկ Փիլոյանը նշանակվել է պաշտպանության նախարարության հինգերորդ բանակային կորպուսի հրամանատար: