Խորհրդարանը համաձայնություն տվեց ԱԺ ՀՀԿ խմբակցության պատգամավոր Մանվել Գրիգորյանի նկատմամբ քրեական հետապնդում հարուցելու գլխավոր դատախազի միջնորդությանը։ Քվեարկության արդյունքները ներկայացրեց ԱԺ Հաշվիչ ժամանակավոր հանձնաժողովի նախագահ Գագիկ Մելիքյանը։ ԱԺ 104 պատգամավորներից քվեարկությանը մասնակցել է 85-ը, մեկ քվեաթերթիկ ճանաչվել է անվավեր, 81 պատգամավոր կողմ է քվեարկել միջնորդությանը, երեքը՝ դեմ։

Կլինի նաև մեկ այլ քվեարկություն՝ դատախազի ներկայացրած մյուս միջնորդության համար՝ Գրիգորյանին ազատությունից զրկելու։ Գագիկ Մելիքյանի խոսքով՝ այդ քվեարկությունը կլինի խորհրդարանի նիստերի դահլիճին հարակից տարածքում,13.30-ից 14․00-ն։ Այս քվեարկությունը ևս փակ գաղտնի ընթացակարգով է։

Ավելացնենք նաև, որ խորհրդարանը կողմ քվեարկեց նաև Մանվել Գրիգորյանին ազատությունից զրկելու միջնորդությանը։

լուսանկարը՝ Նարեկ Ալեքսանյանի