Չորեքշաբթի, 19 սեպտեմբերի

Մանվել Գրիգորյանի բարեկամներից մեկը ձերբակալվել է



ԱԺ պատգամավոր Մանվել Գրիգորյանի ամառանոցում հայտնաբերված ապօրինի զենք-զինամթերքի գործով երեկ ձերբակալել են նրա բարեկամներից մեկին: Այս մասին «Հետք»-ին հայտենց ՀՔԾ մամուլի քարտուղար Մարինա Օհանջանյանը:

Նրա փոխանցմամբ՝ Գրիգորյանի բարեկամը ձերբակալվել է ապօրինի զենք-զինամթերք պահելու կասկածանքով՝  Քրեական օրենսգրքի 235-րդ հոդվածի 2-րդ մասով:

Քննչական ծառայությունից չմանրամասեցին, թե ով է ձերբակալվածը՝ խոստանալով քիչ անց գործի վերաբերյալ նոր մասնրամասներ հաղորդել: Սակայն նշեցին, որ ձերբակալվածը Գրիգորյանի կինը չէ, ինչպես երեկվանից մամուլում լուրեր էին շրջանառվում:

Հիշեցնենք, որ հունիսի 16-ին Մանվել Գրիգորյանի առանձնատանը ԱԱԾ-ն հայտնաբերել է «Զինվորի բաժին» նշագրումով սնունդ, հիգիենիկ պարագաներ, դեղորայք, զինվորական հանդերձանք, պաշտպանության նախարարության կողմից տրամադրված սնունդ: Բացի այդ, 2016թ. ապրիլյան պատերազմի օրերին բազմաթիվ քաղաքացիներ և կազմակերպություններ օգնության նպատակով առաջնագծում ծառայություն իրականացնող զինվորներին փոխանցելու համար ԵԿՄ-ին են տրամադրել սննդամթերք, հագուստ, տնտեսական այլ պարագաներ. նախաքննությամբ հիմնավորվել է, որ Գրիգորյանը դրանք հափշտակել է, տեղափոխել իրեն պատկանող տարածք՝ օգտագործելով անձնական կարիքների, այդ թվում՝ իրեն պատկանող կենդանիներին կերակրելու համար:


Գլխավոր էջ


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ