Երկուշաբթի, 24 սեպտեմբերի

70 միլիոն դրամ՝ շախմատի, եզդիերեն և քրդերեն դասագրքերի տպագրության նպատակով



Կառավարությունն այսօրվա նիստին որոշեց շախմատ առարկայի, եզդիերեն և քրդերեն դասագրքերի տպագրության նպատակով կրթության և գիտության նախարարությանը հատկացնել մոտ 70 միլիոն դրամ: Նախարարությանը գումարը հատկացվելու է կառավարության պահուստային ֆոնդից:

Ինչպես նշվում է գործադիր բերված որոշման նախագծում՝ 2018 թվականի պետական բյուջեով ԿԳՆ-ն նախատեսել է տպագրել տարրական դասարանների աշակերտների համար 603 հազար և ազգային փոքրամասնությունների համար 1495 դասագիրք:

Սակայն 2018 թվականի փետրվար, ապրիլ ամիսներին նախարարություն են դիմել Հայաստանի շախմատի ակադեմիան, Եզդիների ազգային միությունը, Հայաստանի քրդական ազգային խորհուրդը՝ խնդրելով հանրակրթական ուսումնական հաստատություններում շախմատ առարկայի և ազգությամբ եզդի և քուրդ սովորողների համար 2018 թվականին նախատեսել դասագրքերի տպագրության լրացուցիչ խմբաքանակներ: Հաշվի առնելով այդ հանգամանքը՝ անհրաժեշտություն է առաջացել ձեռք բերել շախմատի վարժությունների տետրեր 113 հազար հատ և լրացուցիչ եզդիերեն ու քրդերեն դասագրքեր 4105 հատ քանակներով:

Կառավարության փոխանցմամբ՝ այս որոշման նախագծի ընդունման արդյունքում կապահովվի հանրակրթական ուսումնական հաստատություններում շախմատի և ազգային փոքրամասնությունների դասապրոցեսի արդյունավետության բարձրացումը:


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ