Երեքշաբթի, 25 սեպտեմբերի

Շաբաթվա ուղիղ միացումները «Ֆեյսբուքում»՝ կառավարությունից



Անցած կիրակի Նիկոլ Փաշինյանը չմիջնորդավորված ձևով՝ ուղիղ եթերում անդրադարձավ նախօրեին Մանվել Գրիգորյանի ձերբակալությանը:

Պատգամավորի ձերբակալման հանգամանքներից բացի՝ Փաշինյանը կրկին խոսեց ուղիղ եթերի ձևաչափի մասին: «Ես որոշում եմ թեման, թե մոտավորապես ինչ թեմայով եմ խոսելու, և ուզում եմ, որ էն մտքերը, էն ձևակերպումները, որ ես ձեզ հաղորդում եմ, դրանք ծնվեն ձեր աչքի առաջ»,- տեսաուղերձի վերջում ասաց վարչապետը:

Նիկոլ Փաշինյան
Վարչապետ


«Կոռուպցիայի հետ կոմպրոմիս չի լինելու»

Նախորդ շաբաթ ուղիղ եթերով երկու բացահայտումների մասին խոսեց նաև կրթության և գիտության նախարար Արայիկ Հարությունյանը: Բացահայտումներից մեկը այն մասին էր, որ «Չեխովի դպրոցը չունի տարրական հանրակրթական ծրագրի արտոնագիր կամ ինչպես են «օլիգարխ» դպրոցները վերացնում մրցակցությունը»: Մյուս տեսաուղերձը վերաբերում էր կեղծ գնահատականներին և կեղծ ատեստատներին. խոսքը, մասնավորապես, Երևանի թիվ 119 դպրոցին էր:

Արայիկ Հարությունյան
Կրթության և գիտության նախարար
Ինչպես են «օլիգարխ» դպրոցները վերացնում մրցակցությունը» Հերթական բացահայտումը. համակարգային կեղծիք

«Ձեզ բարի գիշեր եմ մաղթում, մինչև նոր բացահայտումներ»,- ասաց նախարարը:

Կառավարության՝ ուղիղ եթերը նախընտրող մյուս անդամը՝ առողջապահության նախարար Արսեն Թորոսյանը, հունիսի 21-ին շնորհավորեց բուժաշխատողների օրը, որը նաև իր ծննդյան օրն էր, և ուղիղ եթերում պատվաստվեց դիֆթերիայի և փայտացման դեմ այն պոլիկլինիկայում, որտեղ գրանցված է:

Արսեն Թորոսյան
Առողջապահության նախարար
Շնորհավոր բուժաշխատողների օրը Դիֆթերիայի և փայտացման պատվաստում

Շաբաթ օրը ուղիղ եթերում՝ Արմավիրի մարզից վերադառնալու ընթացքում, մարզ կատարած իր այցը ամփոփեց տարածքային կառավարման և զարգացման նախարար Սուրեն Պապիկյանը: Նա ասաց, որ այսուհետ հանգստյան օրերին այցելելու է Հայաստանի բոլոր մարզեր:

Սուրեն Պապիկյան
Տարածքային կառավարման
և զարգացման նախարար


Գլխավոր էջ


Տես նաև՝

ավելին



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ