Շաբաթ, 22 սեպտեմբերի

Մշակույթի նախարարությունը անընդունելի է համարում առանց քննարկելու արձանի տեղադրումը



«Լիազոր մարմին Մշակույթի նախարարությունը համակարծիք է Քաղաքաշինության կոմիտեի հետ՝ անընդունելի համարելով առանց իրենց հետ քննարկելու և համաձայնեցնելու՝ արձանի տեղադրումը»,- այս մասին նշված է Քաղաքաշինության կոմիտեի ֆեյսբուք էջում:

Մշակույթի նախարարությունն ավելի վաղ հայտարարություն էր արել Երևանի մետրո­պոլիտենի «Հանրապետության հրապարակ»կայարանի տարածքում Արամ Մանուկյանի արձանի տեղադրման թույլտվության վերաբերյալ, որն ամբողջությամբ ներկայացնում ենք.

28.06.2018

«Հայաստանի Հանրապետության մշակույթի նախարարությունը համարում է, որ Երևանի մետրոպոլիտենի «Հանրապետության հրապարակ» կայարանը Երևանի կերպարը յուրահատուկ դարձնող ամենասիրված կառույցներից մեկն է և կիսում է հասարակության ու մասնագետների մտահոգությունը՝ կայարանի պատմագեղարվեստական կերպարը փոխելու հարցում: Նախարարությունը գտնում է, որ Երևանի մետրո­պոլիտենի «Հանրապետության հրապարակ» կայարանը կարող է հանդիսանալ խորհրդահայ ճարտարապետության 20-րդ դարի մոդեռնիզմի նվաճում հանդի­սացող կառույցներից մեկը, որի համար սկսվել է նորահայտ հուշարձանի կարգավիճակ տալու գործընթաց:

Միաժամանակ, կարևոր համարելով Արամ Մանուկյանի դերն ու գործունեությունը հայոց պատմության մեջ և նրա արձանի կառուցման խնդիրը Երևան քաղաքում՝ այնուհանդերձ անընդունելի ենք համարում առանց մշակույթի նախարարության հետ քննարկման և համաձայնեցման արձանի տեղադրման թույլատրումը:

Համաձայն «Պատմության և մշակույթի անշարժ հուշարձանների ու պատ­մական միջավայրի պահպանության և օգտագործման մասին» ՀՀ օրենքի՝ հուշարձանների պահպանական գոտիների տարածքներում շինարարական աշխատանքների իրականացումը կատարվում է ՀՀ մշակույթի նախարարության թույլտվությամբ՝ հաշվի առնելով նաև Երևան քաղաքի պատմամշակութային հիմնավորման՝ հուշարձանների պահպանական գոտիների նախագծի դրույթները»:


Գլխավոր էջ

Տպել    |  In English



Մեկնաբանություններ (1)
1. Մինաս14:28 - 29 հունիսի, 2018
«Լիազոր մարմին Մշակույթի նախարարությունը համակարծիք է Քաղաքաշինության կոմիտեի հետ՝․․․․․" Ոչ թէ "համակարծիք" այլ "համաձայն"․․․․․սրա/նրա հետ։
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ