Տեսանյութեր
Լուսանկարներ
ՄԻՊ. «Ազատազրկվածների բողոքների հիմնական մասը վերաբերում է պայմանական վաղաժամկետ ազատման համակարգին»
Մարդու իրավունքների պաշտպան Արման Թաթոյանն երեկ չհայտարարված այց է կատարել «Արմավիր» ՔԿՀ:
Հունիսի 28-ին Կառավարության նիստից հետո մի խումբ քաղաքացիներ դիմել են Մարդու իրավունքների պաշտպան Արման Թաթոյանին ազատությունից զրկման վայրերում գտնվող իրենց ազգականների իրավունքների պաշտպանության հարցով: Նույն օրը Պաշտպանի աշխատակազմի ներկայացուցիչները չհայտարարված այց են իրականացրել «Արմավիր» ՔԿՀ:
Ինչպես տեղեկացնում է Պաշտպանի աշխատակազմը, ազատազրկվածների բողոքների հիմնական մասը վերաբերել է պատժի կրումից պայմանական վաղաժամկետ ազատման համակարգում առկա խնդիրներին:
Այցի ընթացքում առանձնազրույցներ են տեղի ունեցել նաեւ ազատությունից զրկված այլ անձանց հետ։ Ստուգվել են նրանց պահման պայմանները, իրավունքների ապահովման վիճակը և դրանց համապատասխանությունը պահանջներին:
Արձանագրված մի շարք խնդիրներ քննարկվել են ՔԿՀ-ի վարչակազմի հետ և տեղում ստացել լուծումներ, այդ թվում՝ կապված դատապարտյալի խուցը փոխելու, դատապարտյալի կողմից տրված լիազորագիրը հաստատելու, պատշաճ բժշկական օգնության ցուցաբերման հետ։ Բարձրացված մնացած հարցերը կքննարկվեն գրավոր ընթացակարգով:
Մեկնաբանել