Ֆլորենցիայի «Օպերա Դել Դուոմո» թանգարանում ժամանակակից ստեղծագործություն տեղադրելու առիթով կազմակերպված միջազգային հեղինակավոր մրցույթում հաղթող է ճանաչվել Իտալիայում բնակվող մեր հայրենակից Միքայել Օհանջանյանը՝ իր «Շեմը ակունք է» նախածով՝ արժանանալով Էնրիկո Մարինելլի անվան գլխավոր մրցանակին։

Մրցույթին մասնակցել  են տարբեր երկրներ ներկայացնող 45 արվեստագետներ։

Մրցույթի հիմնական պահանջն էր նախագծել աշխատանք, որը կներկայացնի հույսի էությունը՝ Ֆլորենցիայում առկա, համաշխարհային ճանաչում ունեցող ստեղծագործությունների եւ ժամանակակից արվեստի խնդիրների տեսանկյունից: Աշխատանքը պետք էր ներկայացնել ժամանակակից արվեստի ոճով՝ արտահայտելով համընդհանուր արժեքներ:

Կապ հաստատեցի Միքայել Օհանջանյանի հետ․ Հայաստան այցելելու առաջին իսկ հնարավորության դեպքում մանրամասն կզրուցենք նախագծերի եւ ստեղծագործական հաջողությունների մասին։

Հ․Գ․ Օհանջանյանի ստեղծագործությունը թանգարանի նախասրահում կտեղադրվի 2018թ․-ի հոկտեմբերին եւ կցուցադրվի 6 ամիս։

Լուսանկարի հեղինակ՝  Nicola Gnesi (artfashionmag)