Ականատեսների վկայությամբ՝ ոստիկանությունը կեսգիշերին մոտ մտել է Երևանի կենտրոնում գտնվող տարբեր փաբեր ու ակումբներ։

Հաճախորդների համար անհասկանալի է եղել ոստիկանների այցը, քանի որ որևէ բացատրություն այդ առիթով իրենց չի տրվել։ Նրանցից մեկի խոսքով, երբ ինքն ու ընկերը նստած են եղել փաբերից մեկում,  ոստիկանները ներս են մտել և աշխատակիցներին հորդորել անջատել երաժշտությունը։ Հավանաբար, նման այցեր եղել են նաև այլ փաբերում և ակումբներում, քանի որ դրանց մուտքերի մոտ մարդկանց կուտակումներ էին առաջացել․ պատճառը նույնն էր՝ ներսում երաժշտությունն անջատված էր, ստուգումներ էին անցկացվում։