Հինգշաբթի, 20 սեպտեմբերի

Արծվիկ Մինասյանը հանդիպել է չեխական Fly United-ի հիմնադիրներին



Տնտեսական զարգացման և ներդրումների նախարար Արծվիկ Մինասյանը հանդիպել է չեխական Fly United ընկերության հիմնադիրներ Յան Ստիլեցին և Եվա Ստիլցովային։

Ինչպես տեղեկացնում է նախարարությունը, ընկերությունը ծառայություններ է մատուցում զբոսաշրջության ոլորտում, համատեղելով պետական և մասնավոր ընկերությունների, անհատների հետ աշխատանքը բիզնեսի և հանգստի ոլորտներում։

Յան Ստիլեցը ներկայացրել է շուրջ 25-ամյա ընկերության փորձը, հայտնել այդ փորձառությամբ հայաստանյան մասնագետների հետ կիսվելու պատրաստակամությունը, նաև տեղեկացրել, որ երկրորդ անգամ այցելելով Հայաստան՝ արդեն մտադրություն ունեն բացելու Fly United-ի գրասենյակ։

Նախարարը ողջունել է Հայաստանի նկատմամբ չեխ գործարարների հետաքրքրությունը, ներկայացրել գործարար ոլորտին և ներդրումային ծրագրերին առնչվող կառավարության քաղաքականությունը, կարևորել նաև ավիացիայի բնագավառում ընկերության ունեցած փորձի փոխանակման հնարավորությունը։

Նախարարի հետ հանդիպումից հետո առավել մանրամասն ոլորտային հարցերը քննարկվել են Զբոսաշրջության կոմիտեի և Բիզնես Արմենիայի ներկայացուցիչների հետ։   


Գլխավոր էջ



Մեկնաբանություններ (1)
1. Աննա20:33 - 13 հուլիսի, 2018
https://www.flyunited.cz/en/ իրենք ուղղակի կայքային միջնորդ են ամեն մարդ կարողա առնել իրենք երեք հոգի աշխատող ունեն խուլ գյուղում մեր կողմից ութ հոգի ժամանակ են ծախսում
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ