HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Կառավարությունը տարկետման իրավունք կտա ևս երկու մարզիկի

2018 թվականի ամառային զորակոչից մինչև 2022 թվականի ամառային զորակոչը տարկետման իրավունք կստանա սպորտի բնագավառում նշանակալի նվաճում ունեցող ևս երկու մարզիկ: Նման որոշման նախագիծ հրապարակված է կառավարության վաղվա՝ հուլիսի 19-ի նիստում օրակարգում, այն չզեկուցվող է: Հիշեցնենք, որ նախորդ նիստին ևս 21 մարզիկ տարկետման իրավունք էր ստացել:

Այդ մարզիկներն են՝ Բաբկեն Հրաչյայի Շահազիզյանը՝ նավամոդելի Եվրոպայի և աշխարհի առաջնությունների կրկնակի չեմպիոն և Դավիթ Վարդանի Մադոյանը՝ բազկամարտի 2017 թվականի երիտասարդների Եվրոպայի և աշխարհի առաջնությունների չեմպիոն:

Ըստ որոշման նախագծի՝ ֆիզիկական կուլտուրայի և սպորտի շարունակական զարգացման, մարզիկների մարզական վարպետությունը բարձրացնելու, մարզական բարձր նվաճումներ ունենալու համար անհրաժեշտ է ապահովել հավաքական թիմերի լավագույն մարզիկների մարզումային գործընթացի անընդհատությունը:

Տեղեկացնենք, որ Բաբկեն Շահազիզյանը ԽՍՀՄ և ՀՀ սպորտի վաստակավոր վարպետ Հրաչյա Շահազիզյանի որդին է:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter