Չորեքշաբթի, 26 սեպտեմբերի

119 միլիոն դրամ` լիզինգի տոկոսագումարների սուբսիդավորման նպատակով



Կառավարությունը իր պահուստային ֆոնդից գյուղատնտեսության նախարարությանը կտրամադրի 119 միլիոն դրամ։ Գումարը հատկացվելու է ագրոպարենային ոլորտում գործող տնտեսությունների սարքավորումների ֆինանսական վարձակալության` լիզինգի տոկոսագումարների սուբսիդավորման համար։

Նման որոշման նախագիծ կառավարության այսօրվա նիստին ներկայացրել էր գյուղատնտեսության նախարար Արթուր Խաչատրյանը։

Ինչպես նշվում է կառավարություն ներկայացված որոշման նախագծում, գործադիրը կարևորում է ապահովագրական համակարգի ներդրման համար նախադրյալների ստեղծումը և համակարգի աստիճանական ներդրումը։ Այդ նպատակով Գերմանական զարգացման բանկի կողմից հատկացված դրամաշնորհային միջոցներով նախատեսվել է 2018-2020թթ. իրականացնել գյուղատնտեսության ոլորտում ապահովագրական համակարգի ներդրման փորձնական ծրագիր։

Բացի այդ, գյուղատնտեսության նախարարության կողմից հանրապետության ագրոպարենային ոլորտում իրականացված ուսումնասիրության, օգտագործվող սարքավորումների մաշվածության մակարդակի, սարքավորումների վերազինման պահանջարկի ճշտման նպատակով կատարված հարցումների և դրանց պատասխանների վերլուծության արդյունքում նախատեսվել է իրականացնել ագրոպարենային ոլորտի սարքավորումների ֆինանսական վարձակալության` լիզինգի պետական աջակցության փորձնական ծրագիր։


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ