Կիրակի, 23 սեպտեմբերի

Հոկտեմբերի 21-ին Սոլակում համայնքի ղեկավարի արտահերթ ընտրություն է



Հոկտեմբերի 21-ին Կոտայքի մարզի Սոլակ համայնքում կանցկացվի համայնքի ղեկավարի արտահերթ ընտրություն: Կառավարությունն այսօրվա նիստին նման որոշում ընդունեց` տարածքային կառավարման և զարգացման նախարար Սուրեն Պապիկյանի առաջարկով։

Ինչպես ավելի վաղ հայտնել էինք, Սոլակ համայնքը 2005 թվականից ղեկավարող Բադալ Սարգսյանը հունիսի 19-ի առավոտյան հրաժարականի դիմում էր ներկայացրել՝ որոշելով իր տեղը զիջել երիտասարդներին:

«Հաշվի առնելով իմ երկար աշխատանքային տարիները, իմ տարիքը` արդեն 55-ն անց եմ, նկատի ունենալով այսօրվա մեր երիտասարդության ավյունը, ճարպիկությունը, ժամանակի հետ ընթաց քայլելը, էս ոգևորեցնող է նաև ինձ համար: Ճիշտն ասած` չէի սպասում, որ այս տեսակի հզոր տղաներ ունենք, բանիմաց, խելացի: Ինչու՞ ինքնակամ չզիջեմ մեր երիտասարդներին` ավելի խելացի ծրագրերով, ավելի խելացի քայլերով գյուղի խնդիրները տանեն առաջ, մենք էլ՝ մեծերս, ինչքան հնարավորություն կունենանք, մեր երեխեքի, ջահելների կողքին լինենք՝ խորհուրդներով, խրատներով: Ինչի՞ պարտադիր մենք պետք է շարունակենք աշխատել»,- «Հետք»-ի հետ զրույցում հայտնել էր Բադալ Սարգսյանը:

Լուսանկարում՝ Սոլակի նախկին համայնքապետ Բադալ Սարգսյանը


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ