Շաբաթ, 22 սեպտեմբերի

Ոստիկանության պարզաբանումը Շուռնուխ գյուղում ԼԳԲՏ ակտիվիստների մասնակցությամբ տեղի ունեցած միջադեպի վերաբերյալ



Զանգվածային լրատվության միջոցներում տեղեկատվություն է տարածվել, թե օգոստոսի 3-ին, ժամը 20.00-ի սահմաններում Սյունիքի մարզի Շուռնուխ գյուղում ավելի քան 30 մարդ հարձակվել են ԼԳԲՏ 9 ակտիվիստի վրա և ծեծել: 

Ոստիկանության լրատվական ծառայությունը հայտնում է, որ օգոստոսի 3-ին՝ ժամը 20.30-ի սահմաններում, ոստիկանության Երևան քաղաքի վարչության օպերատիվ կառավարման կենտրոնից Գորիսի բաժին հաղորդում է ստացվել, որ իրենց է զանգահարել Հայկ Հ.-ն և հայտնել, որ երկու տղամարդ եկել և ցանկանում են պարզաբանումներ կատարել իրենց հետ, խնդրում է ոստիկան մոտենա:

Մեկնած օպերատիվ խումբը պարզել է, որ օգոստոսի 3-ին՝ ժամը 20.00-ի սահմաններում, Շուռնուխ գյուղի մի խումբ բնակիչներ 1997 թ. ծնված Հայկ Հ.-ից և նրա ընկերներից պահանջել են հեռանալ գյուղից՝ պատճառաբանելով, որ վերջիններս համասեռամոլներ են, այնուհետև նրանց միջև առաջացել է վիճաբանություն, որի ընթացքում գյուղացիներից ոմանք ծեծի են ենթարկել Հայկ Հ.-ին ու նրա ընկերներին:

Չորս անձինք մարմնական վնասվածքներով տեղափոխվել են հիվանդանոց` բուժօգնության, այնուհետև ոստիկանության ծառայողները, ապահովելով նրանց անվտանգությունը, ուղեկցել են դեպի Երևան:

Կան բերման ենթարկվածներ: Դեպքի բոլոր հանգամանքները պարզվում են:


Գլխավոր էջ



Մեկնաբանություններ (10)
1. Վարազ Սյունի17:24 - 4 օգոստոսի, 2018
Ես ԽՍՏԱԳՈՒՅՆՍ ԴԱՏԱՊԱՐՏՈՒՄ եմ ԼԳԲՏ երիտասարդների վրա այս բարբարոս ու «իսլամական պետության» ոճի հարձակումը:Անմիջապես հայտնաբերել մեղավորներին և խստագու՛յնս պատժել: Պատժե՛լ նաև այն ոստիկաններին,ովքեր պատշաճ օգնություն չեն ցուցաբերել ու չեն կանխել այս բարբարոս հարձակումը..............Ամբողջ քաղաքակիրթ աշխարհին ցույց տվեք,որ դեռ միջնադարում ապրող կիսավայրի կովկասյան մի ցեղ եք: Լիսկայի ժամանակ տակներդ արած պապանձված էիք: Հիմա մի քանի անշառ մարդկանց վրա դուխներդ «հազա՞ր» է կտրել: Բա էլ ու՞մ է պետք ձեր հեղափոխությունը, եթե նմա՛ն բարբարոս-անքաղաքակիրթ-միջնադարյան պահվածքը պիտի շարունակեք:
2. Վարազ Սյունի17:26 - 4 օգոստոսի, 2018
Մարդիկ հյուր էին գնացել իրենց ընկերոջ մոտ՝ հանգստանալու: Ի՞նչ քարոզ կամ պրովոկացիա: Եվ հետո՝ ըստ ՀՀ Սահմանադրության ամեն մարդ իրավունք ունի նաև քարոզելու՝ լինի դրա կրոն,աշխարհայացք,թե կենսաոճ: Հայաստանը ազատ երկիր է:«Ակտիվիստ», ընդհանրապես, նշանակում է,որ պայքարում են, որ ԼԳԲՏ համայնքի հանդեպ դիսկրիմինացիան վերացվի ու ԼԳԲՏ համայնքն էլ նույն կամ համարժեք իրավունքներ ունենա,ինչպես երկրի մնացած քաղաքացիները:
3. Վարազ Սյունի17:28 - 4 օգոստոսի, 2018
Ես մարդու իրավունքների երկար տարիների ակտիվիստ եմ և իրավաբան ու աշխատել եմ տարբեր երկրներում:Ամբողջ որը «ազգային արժեքներ» եք գոռում, բայց դա ԿՈՆԿՐԵՏ ի՞նչ է նշանակում:Դա,առաջին հերթին, նշանակում է հարգել երկրիդ Սահմանադրությու՛նը:ՀՀ օրենսդրական-պետականական հիմքը ՍԱՀՄԱՆԱԴՐՈՒԹՅՈՒՆՆ է:Ըստ Սահմանադրության՝ երկրի բոլո՛ր քաղաքացիները հավասար են:
4. Օննիկ Քիրէմիթլեան20:43 - 4 օգոստոսի, 2018
Համասեռամոլների կենցաղը ու դրա պրոպագանդումը խօսքի ու մտքի ազատութեան հետ ոչ մի կապ չունի եւ այն տեղ չունի եւ չի ունենալու Հայաստանում: Այդ երեւոյթը անբարոյ է, հակամարդկային է եւ հակազգային: Դա նոյն զազրելի արարքների կարգին է՝ ինչպէս գողութիւնը, սուտը, սպանութիւնը եւ այլն: Դրա գործած աւերները տեսնում ենք արեւմտեան երկրներում, որտեղ սկսած դպրոցներից փորձում են արատաւորել նոր սերնդի միտքն ու հոգին եւ պառակտել հասարակութեանը: Համասեռամոլութիւնը ոչ մի բանով հասարակութեանը պիտանի չի կարող լինել, այլ միայն վնաս է կարող պատճառել դրան:
5. Վարազ Սյունի23:59 - 4 օգոստոսի, 2018
Ինձ ամենաշատը զարմացնում են այն հայերը,ովքեր ապրում են Հայաստանից դուրս,բայց օր ու գիշեր խոսում են Հայաստանը ««համասեռաՄՈԼներից» պաշտպանելու» մասին: Եթե այդքան «հայրենասեր» եք, վեր կացեք ու գնացեք սահմանին կանգնեք,կամ էլ գնացեք ազատագրված տարածքներում ապրեք:........................Հենց այս պահին էլ հայկական բանակում ծառայում են  նույնա-երկսեռական տղաներ, ու հենց այս պահին էլ նրանցից ոմանք կանգնած են սահմանին: ՀԱՐՑ. իսկ ԻՆՉՈ՞Ւ իրենք էլ ԻՐԵՆՑ երկրում չպիտի ունենան նույն սահմանադրական իրավունքները: Ես հիմա իրենց անունից ՊԱՀԱՆՋՈՒՄ եմ պատասխան: Վե ր կացեք ձեր պաշտոնական,եկեղեցական կամ սովորական աթոռներից և վերջապես պատասխանե՛ք այս ԱՌԱՆՑՔԱՅԻՆ հարցին:
6. Վարազ Սյունի00:01 - 5 օգոստոսի, 2018
Ոչ մի հիվանդություն մարդուն ՆԵՐՔԻՆ երջանկության զգացում չի պարգևում: Նույնասեռականությունը նույնքան վաղնջական  է, որքան մարդ արարածը: Եթե այն ԱՅՍՔԱՆ ժամանակ հանդուրժվել է մայր բնության և էվոլուցիայի կողմից, նշանակում է այն իմաստ/ֆունկցիա ունի մարդու տեսակի (պահպանման) և բնական բալանսի համար: Բնության մեջ նույնասեռականությունը հանդիպում է նաև ՀԱՐՅՈԻՐԱՎՈՐ այլ տեսակների մեջ: Դուք՝ մահկանացուներդ, ձեզ իմաստուն բնությունից վեր մի դասեք, ապրեք ձեր կարճ կյանքն ու անցեք, իսկ առավել կարևոր հարցերը թողեք  իմաստուն մայր բնությանը: Նույնասեռականության դեմ շատերը պայքարեցին. նույնասեռականությունը չվերացավ, իրենք վերացան:
7. Վարազ Սյունի00:05 - 5 օգոստոսի, 2018
«Համասեռամոլ» և «արվամոլ» տերմերը անիմաստ ու բովանդակազուրկ են: Եթե ուզեն էլ, «համասեռա-մոլ» ու «արվա-մոլ» չեն կարող լինել: 2 չափահաս մարդու միջև հարաբերությունը «շեղում» կամ «ոչ-նորմալ» չի կարող լինել: Ճիշտ է ՝ սա ավանդական կողմնորոշում չէ,որովհետև ուղղակի փոքրամասնություն է: Փոքրամասնությունը փոքրամասնություն է,այլ ոչ շեղում կամ ոչ-նորմալ: Բայց այս խնդիրը ԻՐԱՎԱԿԱՆ ԼՈՒԾՈՒՄ պիտի ունենա:Իրականությունն այն է,որ, ինչպես բոլոր երկրներում, Հայաստանում էլ ապրում են սեռական փոքրամասնություններին պատկանող օրինական քաղաքացիներ: Խնդրի ԼՈՒԾՈՒՄԸ զգացմունքորեն մատ թափ տալով կամ «պրոպագադան» «արգելելով» ՉԷ, այլ քաղաքակիրթ-սահմանադրական լուծում գտնելով:
8. Վարազ Սյունի00:09 - 5 օգոստոսի, 2018
Գողությունը, սուտը, սպանությունը ի՞նչ կա ունի նույնասեռականության հետ: Այս ի՞նչ պրիմիտիվ սև PR է: Այս արևի տակ ամենաշա՛տ հանցագործություններ անում են տարասեռական (heterosexual) տղամարդիկ:
9. Վարազ Սյունի00:11 - 5 օգոստոսի, 2018
ԲՈԼՈՐ երկրներում, ԲՈԼՈՐ ժամանակներում մարդկանց մի քանի տոկոսը պատկանել է սեռական փոքրամասնությանը: Այս երևույթից դեռ ոչ մի ժողովուրդ ու պետություն չի կործանվել կամ փոքրացել: Բոլոր պետություններն ու կայսրությունները տապալվել են, որովհետև մարդիկ այլևս ՉԵՆ ՀԱՎԱՏԱՑԵԼ այդ երկրի/կայսրության ՔԱՂԱՔԱԿԱՆ համակարգին. կաշառակերություն,նեպոտիզմ, սոցիալական անարդարություն,պետական դավաճանություն, ծախվածություն և այլն:
10. Ճշտի Ասպետ17:49 - 7 օգոստոսի, 2018
HETQ.AM-ի անձնակազմ, Ձեզ չհոգնեցրե՞ց Սյունիքից վարազը, առաջարկում եմ, Սյունիքից վարազին ուղարկել Սյունիքի Շուռնուխ գյուղը: Խնդրում եմ առաջարկս չմերժել, նախապես շնորհակալություն:))
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ