Վալերիյ Օսիպյան․ «Հայաստանի Հանրապետությունում լինելու են նախադեպը չունեցող ընտրություններ»
Կառավարության նիստի ավարտից հետո ոստիկանապետ Վալերիյ Օսիպյանը անդրադարձավ օգոստոսի 14-ին մի խումբ անձանց կողմից Կենտրոնի ոստիկանական բաժին մուտք գործելու դեպքին։
Օսիպյանն ասաց, որ ոստիկանությունը գտնվում է պատարստվածության բարձր մակարդակում, կարող է պատշպանել և՛ իրեն, և՛ Հայաստանի քաղաքացիներին։ Ոստիկանապետը հավաստիացրեց, որ ոստիկանությունը որոշ քաղաքացիների նկատամամբ դրսևորել է հանդուրժողականություն և նրանք, օգտվելով այդ առիթից, մուտք են գործել ոստիկանական բաժին․
«Ոստիկանությունը եղել է և կա ուժեղ։ Որևէ մեկը չկասկածի՝ կարող է ներխուժել ոստիկանության ցանկացած ստորաբաժանում։ Կստանա համապատասխան, օրենքի ուժով գնահատական»,- նշեց նա։
Վալերիյ Օսիպյանն անդրադարաձավ նաև Երևանի ավագանու ընտրությունների հսկմանը՝ նշելով, որ վարչապետ Նիկոլ Փաշինյանից ունի հանձնարարական, որպեսզի ապահովեն թափանցիկ ընտրություններ․
«Հայաստանի Հանրապետությունում լինելու են նախադեպը չունեցող ընտրություններ»,- վստահեցրեց ոստիկանապետը։
Օսիպյանի փոխանցմամբ՝ կանխելու են ընտրակաշառքի բաժանումը, իսկ եթե ընտրակաշառք բաժանվի, և՛ այն վերցնողը, և՛ տվողը, և՛ ոստիկանության այն աշխատակիցները, ում տեսադաշտում կատարվել է այդ ամենը, կենթարկվեն պատասխանատվության։
Լրագրողներից մեկի հարցը վերաբերում էր «Հետք»-ի «Վլադիմիր Գասպարյանը 200 հազար դոլարով դարձել է 3 մլն դոլարանոց առանձնատան տեր» հրապարկմանը։ Ոստիկնապետը տեղեկացրեց, որ այդ գործի մանրամասներից տեղյակ է այնքանով, որքանով լրագրողները, այդ իսկ պատճառով ճիշտ չի համարում որևէ մեկնաբանություն տալ։
Մեկնաբանել