Չորեքշաբթի, 26 սեպտեմբերի

Միասին բացահայտենք երկրորդ նախագահ Ռոբերտ Քոչարյանի ընտանիքի ունեցվածքը



«Հետքը» որոշել է բացահայտել երկրորդ նախագահ Ռոբերտ Քոչարյանի եւ նրա ընտանիքի ունեցվածքը, բայց դրա համար անհրաժեշտ է ընթերցողների, Քոչարյանի ընտանիքի հետ առնչություն ունեցող կամ նրա անվան հետ կապվող ընկերությունների սեփականատերերի, համասեփականատերերի օգնությունը, ինչպես նաեւ` պետական տարբեր կառույցների օժանդակությունը։

Տարիների ընթացքում, իհարկե, որոշ տեղեկություններ «Հետքը» կարողացել է հավաքել, ճշտել, բայց այսօր ստեղծված նպաստավոր պայմանները հնարավորություն են տալիս ստանալ մեծածավալ տեղեկատվություն: Օրինակ` այսօր անհնար է փակ բաժնետիրական ընկերությունների սեփականատերերին բացահայտել, բայց եթե իշխանությունները կարողանան օրենսդրական փոփոխություններ կատարել եւ բացել այդ տեղեկատվությունը, հնարավոր կլինի շատ բան ճշտել։

Պետական մարմինները կարող են նաեւ տեղեկություններ ստանալ զանազան բանկերից, որոնք տարբեր գործարքների վրա լույս կսփռեն։ 

Դիմում ենք արտերկրում ապրող մեր հայրենակիցներին` եթե ձեզ հայտնի է որեւէ տեղեկություն Քոչարյանների ընտանիքին պատկանող բիզնեսների, անշարժ գույքի վերաբերյալ, խնդրում ենք տեղեկացնել` գրելով մեզ hetq@hetq.am էլեկտրոնային հասցեով։ Տեղեկատվություն հաղորդողի գաղտնիությունը երաշխավորում ենք։ 

Հատկապես այսօր շատ է խոսվում երկրորդ նախագահ Ռոբերտ Քոչարյանի ունեցվածքի մասին, լրատվամիջոցները տարբեր տեղեկություններ, ցուցակներ են ներկայացնում։ Առաջին անգամ նման ցուցակ հրապարակեց ռուսական versia.ru կայքը։ Ստորեւ ներկայացնում ենք տարբեր աղբյուրներում հրապարակված` Ռ․Քոչարյանին եւ նրա ընտանիքի անդամներին վերագրվող ընկերությունների ցանկը. 


1․ «Արցախբանկ» 
2․ ՄԱՊ (50%)
3․ «Յունիբանկ» (համասեփականատեր) 
4․ABB բանկ (համասեփականատեր) 
5. Renko Construction 
6․ Զանգեզուրի պղնձամոլիբդենային կոմբինատ (90 տոկոսից ավել) 
7․ Արդշինբանկ (50 տոկոսից բարձր) 
8․ Կոնվերս Բանկ (տարբեր տվյալներով` 30-50 տոկոս)
9․ «Կապուտակ Սևան» համալիր (100 տոկոս)
10․ «Նաիրի» բժշկական կենտրոն 
11․ Emporio Armani, Stefano Ricci և այլ բրենդներ 
12․ Հ2 հեռուստաընկերություն (համասեփականատեր) 
13․ SAS խանութների ցանց (50 տոկոս)
14․ «Նոյ» կոնյակ-գինիների գործարան (50 տոկոս` համասեփականատեր Գագիկ Ծառուկյանի հետ)
15․ Մեծ առևտրի կենտրոն՝ Մոսկվայում
16․ Խաղատուն՝ Մոսկվայում 
17․Բջջային հեռախոսների ներկրում. այս շուկայի 80 տոկոսը պատկանում է Քոչարյաններին
18․«Ղ-տելեկոմ», «ՄՏՍ-Հայաստան,
19․ «Արարատցեմենտ» գործարան. այս ընկերությունում Քոչարյանները 33 տոկոս չափաբաժին ունեն: Համասեփականատերը Գագիկ Ծառուկյանն է: 
20․ Հայաստանում «TOYOTA» ընկերության ներկայացուցչություն 
21․ «Զվարթնոց» միջազգային օդանավակայան
22. «Հայփոստ» ընկերություն
23. «Գոլդեն փելըս» հյուրանոց
24. Նիգերիայում ադամանդի բազմաթիվ հանքեր

25. «Էրեբունի պլազա» հյուրանոց

26. Ագարակի պղնձամոլիբդենային կոմբինատ

27. «Ռոբերտո» կոշիկների ցանց
28.«Հյուսիսային պողոտայի» շենքերը

Մեր ուսումնասիրության շրջանակում ակնկալում ենք նաեւ Ռոբերտ Քոչարյանի մեկնաբանությունը։ 


Գլխավոր էջ

Տպել    |  In English


Տես նաև՝

ավելին



Մեկնաբանություններ (20)
1. Սևակ Մամիկոնյան16:04 - 17 օգոստոսի, 2018
Հարգելի Հետք, իսկ ինչո՞ւ չեք փորձում պարզել Սերժ Սարգսյանի, Վազգեն Սարգսյանի, Լևոն Տեր֊Պետրոսյանի ընտնիքների ունեցվածքները։ Այս անունների շարքը կարելի է երկարացնել։ Առանձնացնելով միայն Ռոբերտ Քոչարյանին տպավորություն է ստեղծում թե նպատակը ոչ թե կոռուպցիան բացահայտելն է, այլ կամ սա մասն է նրա դեմ միտումնավոր սկսված արշավի կամ էլ Հետքը տուրք է տալիս որոշ շրջանակների համար հաճելի նյութերի։
2. Stephan Dragon17:25 - 17 օգոստոսի, 2018
Oh, a call for denunciation! It's getting interesting! Future investors will now come in droves!
3. Արա18:17 - 17 օգոստոսի, 2018
Պետք է հետևել Արգենտինայի օրինակին https://echo.msk.ru/news/2260756-echo.html
4. Լուսիկ19:44 - 17 օգոստոսի, 2018
Ցնցող ցուցակ է: Բայց Քոչարյանը ժխտում է և, ըստ երևույթի, շարունակելու է ժխտել: Նա խորը թաքցրած կլինի իր առնչությունը ցանկացած սեփականության հետ: Հնարավոր կլինի՞ արդյոք հայտնաբերել կեղծ սեփականատերերին և հաստատել, որ իրական սեփականատերը Քոչարյանն է: Մեծ, դժվար աշխատանք է առջևում, հուսանք, որ կհաջողվի:
5. Վաչե07:38 - 18 օգոստոսի, 2018
Ռոբերտ Քոչարյանը Հայաստան է եկել բառիս բուն իմաստով՝ ծակ նասկիներով։ Կարիք չկա որևե բան ապացուցելու կամ հաստատելու։ Պարզապես Քոչորյանը պետք է համոզված լինի, որ ոչ ինքը և ոչ էլ իր ընտանիքի որևե անդամը հնարավորություն չի ունենալու օգտվելու թալանածից։ Այդ դեպքում գուցե իր մեղքերը որոշ չափով թեթևացնելու համար գնա ինքնակամ «զոհողությունների»։
6. Օննիկ Քիրէմիթլեան21:03 - 18 օգոստոսի, 2018
Պարոն Սեւակ, մի՛ փորձիր Ռոբիկի պաշտպանի դերը ստանձնել, քանի որ դրանից ոչ մի դրական բան դուրս չի գայ, առաւել եւս դու ինքդ քեզ ես վարկաբեկում: Ռոբիկը փտած ձուկի գլուխն է, եւ հերթը շուտով (այո շուտով) այս փտած մարմնի միւս անդամներին է գալու:
7. Վաչե08:32 - 19 օգոստոսի, 2018
Պ֊ն Սևակ այսօր քննվում է Քոչարյանի հանցավոր գործունեությունը, իսկ դուք շոշափում եք մյուս նախագահների անունները։ Եկեք Քոչարյանին հանգիստ թողնենք և սկսենք Լենինից , Ստալինից, Բրեժնևից, մինչև հասնենք Քոչարյանին մի հիսուն տարի կանցնի։ Միթե Ձեզ պարզ չե, որ թիվ մեկ մարդասպանը և թալանչին Քոչարյանն է և նա առաջինը պետք է պատասխան տա իր արարքների համար։
8. Իվետտա Գնդոյան14:06 - 19 օգոստոսի, 2018
Լիովին համամիտ եմ Սևակ Մամիկոնյանի հետ։ Ի դեպ Ռոբերտո-ն ախալքալաքցիներինն է։ Իսկ հինգ-վեց տարի անց Նիկոլ Փաշինյանի ունեցվածքների հետևից ընգնելու եք՞
9. Վահագն17:44 - 19 օգոստոսի, 2018
Իվետտա Գնդոյան, չեն ընԳնում, ընԿնում են։
10. Օննիկ Քիրէմիթլեան20:32 - 19 օգոստոսի, 2018
Տիկին/Օրիորդ Իւետա, դու քեզ ինքնակոչ գուշակի տեղ մի՛ դիր եւ Փաշինեանի մասին անհիմն կռահումներ մի՛ արա: Դու նրա մասին աւելի լաւ գիտե՞ս քան նոյնինքն Փաշինեանը եւ Հայ ժողովրդի բացարձակ մեծամասնութիւնը որ այդպիսի ստոր եւ անհիմն հաստատումներ էք փորձում անել մեր սիրելի Նիկոլի հասցէին: Խօսքը այտեղ հարստանալու մասին չէ (որը բոլորի իրաւունքն է), այլ ապօրինի հարստանալու մասին, երբ Ռոբիկը եւ նրա նմանները միլիարդաւոր դոլլարներ են կողոպտել երկրից, իսկ շատ հայորդիներ օրուայ հացն իսկ չեն կարողանում վաստակել: Մի բան պարզ է որ քո նմանների մտայնութեամբ անհնարին է կառուցել մի երկիր երբ միակ ընդունուած կարգը սուտն է, կաշառակերութիւնը եւ կողոպուտը:
11. Suren P.22:48 - 19 օգոստոսի, 2018
Հարգելի խմբագրություն, եթե այս ամենը քաղաքական ենթատեքստ չունի, ապա ինչու եք լռում ՆՓ-ին ուղորդող առաջինը ՀՀ Սահմանադրությունը տապալած ԼՏՊ-ի քրեական ու տնտեսական ոճրագործությունների մասին, ինչու է ՆՓ-ն լռում հոկտէմբերի 27-ի մասին, ինչու է ՆՓ-ն լռում 1999-ի հունիսի 23-ի մասին, երբ ՆԱՏՈ-ի Սոլոնա-ն հատուկ Հայաստան էր այցելել, ինչու է ՆՓ-ն հանդուրժում «դավաճան» պիտակավորումն ու հակադաշնակցական տեռորը
12. կամո 15:40 - 20 օգոստոսի, 2018
Զարմանալ կարելի է մարդկանց անգրագիտության վրա: Նայելով այս ցուցակին ՝ պարզ է դառնում, որ այն ներկայացրել է ինչ-որ անգրագետ: Կասեմ միայն մի կետով, որից պարզ է դառնում ամեն ինչ. եթե Քոչարյանը Նիգերիայում ադամանդի բազմաթիվ հանքեր ունի, դա նշանակում է, որ ես էլ լուսնի վրա նավթի բազմաթիվ աշտարակներ ունեմ: Նիգերիայում երբեք ադամանդ չեն արդյունահանել, քանի որ այն այնտեղ չկա կամ դեռ չեն գտել՝ ինչպես և նավթ չկա կամ չեն գտել լուսնի վրա: Հղումները համացանցում կարող են բազմաթիվ լինել , 2015 թվականի տվյալներով օրինակի համար https://www.rough-polished.com/ru/analytics/104350.html
13. W. Wallace22:04 - 21 օգոստոսի, 2018
Կամոյի դպրոցի մոտի ծաղկի բուդկան
14. Հասմիկ07:07 - 22 օգոստոսի, 2018
12-րդ քոմենթի հեղինակին՝ Կամոյին Հարգելիս, ես մի թեթև նայեցի, և Նիգերիայում, այո, կան ադամանդի հանքեր. https://www.rough-polished.com/en/news/55527.html Չգիտեմ՝ որքան մեծ են այդ հանքերը, բայց, ըստ 2011 թ. տվյալների, կան, և արդյունահանման համար օտար ներդրողներ են հրավիրվել երկիր։ Ինչ վերաբերում է Քոչարյանին կամ «Հետքի» հրապարակմանը, ասեմ, որ փաստ է, որ Քոչարյանը հարստացել է ՀՀ նախագահի աթոռը գրավելուց հետո, ո՛չ մինչ այդ։ Իսկ «Հետքը» հրաշալի հետազոտություններ է անում, և այս հրապարակման նպատակն էլ ճշմարտությունը բացահայտնելն է։ Քոչարյանի բիզնեսների ցանկը ներկայացնելիս «Հետքը» բարեխղճորեն նշում է, որ ցանկը հիմնված է տարբեր հրապարակումների վրա (կարդացեք սույն հոդվածի վերջին պարբերությունը)։
15. Վ.Սիրադեղյան12:28 - 23 օգոստոսի, 2018
Պաշտոնական պատասխան. «Արմենիա միջազգային օդանավակայաններ» ՓԲԸ-ն ցանկանում է հստակեցնել, որ հանդիսանում է բաց և թափանցիկ ընկերություն, որը հարյուրավոր միլիոն դոլարների ներդրումներ է իրականացրել Հայաստանի տնտեսության մեջ, ինչը վերջին երկու տասնամյակների ընթացքում նպաստել է Հայաստանի կայուն զարգացմանը: Ռոբերտ Քոչարյանը մեր ընկերությունում որևէ բաժնեմաս չունի և երբևէ չի էլ ունեցել: «Արմենիա միջազգային օդանավակայաններ» ՓԲԸ-ն պատրաստ է այս փաստը հաստատելու համար իր հաշվապահական հաշվառման գրքերը և գրանցումները տրամադրել մանրամասն աուդիտ իրականացնելու համար: «Արմենիա միջազգային օդանավակայաններ» ՓԲԸ
16. Ալբերտ 16:58 - 23 օգոստոսի, 2018
"Ռոբերտո" կոշիկների ցանցի հետ ինքը առնչություն չունի ։ Դա տերերի հոր անունն է ։ Անգամ երկուսի որդիների անուններն էլ Ռոբերտ է ։ 10 Տարի է անցել դեռ ասում են Քոչարյանինն է, զարմանում եմ ոնց կարելի է չճշտված ինֆորմացիա տեղադրել։
17. Ashot17:08 - 23 օգոստոսի, 2018
Սիրում են ասել, թե Քոչարյանը 98-ին Հայաստան գալու պահին սովածեր, էտ ներկայացնելով որպես թերություն: Քոչարյանը Արցախի պաշտպանության կոմիտեյի ղեկավարն ու Վարչապետներ, ադրբեջանակն 7շրջանները գրավելու պահին: Գաղտնիք չի, էտ 7շրջաններից հսկայական ունեցվածքա թալանվե, շատերը դրանով հաստրացել են: Եթե Քոչարյանը տենց փողին վազող մարդ լիներ ինքնել էտ թալանից մի զգալի բաժին իրանով կաներ:
18. Ashot17:14 - 23 օգոստոսի, 2018
Հա պարզա, որ որոշ բիզնեսներ տղու միջոցով ունի, բայց ոչ էտ կարգի ոնց ներկայացվումա: Էտել նորմալա կարողա պիտի սոված լիներ լրիվ: Եթե տենց ուսումնասիրող եք 90-կանները ուսումնասիրեք էն մարդկանց ով համաժողովրդական սեփականոթւյունը իրանովեր անում մինչդեռ հերոս տղերքը պատերազմ էին հաղթում: Ասենք Նիկոլի հովանավոր Խաչատուրյան Սուքիասյանը ոնցա կինոռոսիայի տեր դարձել ու բազում այլ տարածքների քաղաքի կենտրոնում,լ՞ Պապուցա ժառանգություն ստացել թե ոնց՞
19. Բաբկեն Ա.18:27 - 23 օգոստոսի, 2018
Կարծում եմ ճիշտ է գուշակություններ չանել ու համբերել մինչև Հետքը կհրապարկի իր ուսումնասիրությունները: Էդ ժամանակ կիմանանք ժողորդին ինչքանով են խաբել կամ չէ: Ամեն դեպքում Հետքը էն միակ լրատվամիջոցնա Հայաստանում ում վստահում եմ:
20. Իվետտա Գնդոյան22:32 - 28 օգոստոսի, 2018
Հարգելի Վ․ Սիրադեղյան ցավն այն է, որ փաստերը ոչ մեկին չեն հետաքրքրում։
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ