HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Ոստիկանությունն առաջարկում է հին նմուշի անձնագրերի տրամադրման ժամկետը երկարաձգել 2 տարով

Ոստիկանությունն առաջարկում է Հայաստանի քաղաքացիներին հին նմուշի անձնագրեր տրամադրելու ժամկետը երկարաձգել 2 տարով՝ 2019թ-ի հունվարի 1-ի փոխարեն սահմանելով մինչև 2021 թվականի հունվարի 1-ը:

Ոստիկանությունը իրավական ակտերի նախագծերի հրապարակման միասնական e-draft.am կայքում քննարկման է դրել «Նույնականացման քարտերի մասին» և «Հայաստանի Հանրապետության քաղաքացու անձնագրի մասին» օրենքներում փոփոխություններ կատարելու օրենքի նախագիծ։

Նշենք, որ այս օրենքներով սահմանված է, որ հին նմուշի անձնագրերը Հայաստանի քաղաքացիներին տրամադրվելու է մինչև 2019 թվականի հունվարի 1-ը, որից հետո Հայաստանի քաղաքացիներին պետք է տրամադրվեին բացառապես կենսաչափական անձնագրեր: 

Ոստիկանության փոխանցմամբ՝ 2017թ-ի հունվարի 1-ին ավարտվել է կենսաչափական անձնագրերի և նույնականացման քարտերի համակարգը սպասարկող և բլանկներ մատակարարող Լեհական PWPW ընկերության հետ կնքված պայմանագրի գործողության ժամկետը: Սակայն կենսաչափական անձնագրերի և նույնականացման քարտերի թողարկման, արդիականացված ավտոմատացված համակարգի ներդրման, սպասարկման և փոխանցման պայմանագիր կնքելու համար գնման ընթացակարգը դեռևս ավարտված չէ:

Ոստիկանության հաղորդմամբ՝ հայտարարված մրցույթի իրականացման և հաղթող կազմակերպություն ունենալու դեպքում համակարգի հետագա տեխնիկական շահագործումն ապահովելու նպատակով դեռևս լրացուցիչ ժամանակ կպահանջվի, այդ իսկ պատճառով նպատակահարմար է հին նմուշի անձնագրեր տրամադրելու ժամկետը երկարաձգել մինչև 2021 թվականի հունվարի 1-ը:

«Փոփոխությունը հնարավորություն կտա մինչև կենսաչափական անձնագրերի համակարգի նոր մատակարար ընկերության կողմից լիարժեք շահագործումը իրականացնելն ապահովել ՀՀ քաղաքացիների անձը հաստատող փաստաթղթերի տրամադրման գործընթացը»,- գրված է փոփոխությունների հիմնավորումներում։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter