Երկուշաբթի, 24 սեպտեմբերի

Վլադիմիր Գասպարյանի կողմից առանձնատուն ձեռք բերելու վերաբերյալ «Հետք»-ի հրապարակման հիման վրա քրեական գործ է հարուցվել



Սեպտեմբերի 3-ին, նախկին ոստիկանապետ Վլադիմիր Գասպարյանի կողմից առանձնատուն ձեռք բերելու վերաբերյալ «Հետք»-ի հրապարակման հիման վրա, ՀՔԾ-ում քրեական գործ է հարուցվել: Այս մասին, մեր հարցին ի պատասխան, հայտնեցին ՀՔԾ-ի լրատվականից:

Քիչ առաջ Հատուկ քննչական ծառայությունը հաղորդագրություն հրապարակեց, որը ներկայացնում ենք նույնությամբ.

«Hetq.am» լրատվական կայքում հրապարակված «Վլադիմիր Գասպարյանը 200 հազար դոլարով դարձել է 3 մլն դոլարանոց առանձնատան տեր» վերտառությամբ հոդվածի հիման վրա նախապատրաստված նյութերով ՀՀ հատուկ քննչական ծառայությունում ՀՀ քրեական օրենսգրքի 178-րդ հոդվածի 3-րդ մասի 1-ին կետով և 309-րդ հոդվածի 1-ին մասով հարուցվել է քրեական գործ` առանձնապես խոշոր չափերով խարդախություն կատարելու և պաշտոնատար անձանց կողմից պաշտոնեական լիազորություններն անցնելու առերևույթ հանցագործության դեպքերի առթիվ:               

Կատարվում է նախաքննություն:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով»:


Գլխավոր էջ



Մեկնաբանություններ (3)
1. Վարդգես14:18 - 4 սեպտեմբերի, 2018
աղոթելու վախտն ա
2. Տարոն14:46 - 4 սեպտեմբերի, 2018
Սաղ կյանքը ողորմածության ու աղոթքի մեջ անցկացրեց, սրբի պես մարդ է... ով կարող էր մտածել...
3. Վանիկ Ալեքսանյան01:15 - 5 սեպտեմբերի, 2018
Սա այն մարդն է՞ր, որ իր ենթականերից ազնիվ ծառայություն էր պահանջում։
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ