HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Մարդու իրավունքների պաշտպանի ներկայացուցիչները չհայտարարված այց են կատարել Երևանի թիվ 1 տուն-ինտերնատ

Մարդու իրաունքների պաշտպանի գրասենյակը տեղեկացնում է, որ, շարունակելով տարեցների իրավունքների պաշտպանության հարցը պահել ուշադրության կենտրոնում, Մարդու իրավունքների պաշտպանի ներկայացուցիչները չհայտարարված այց են իրականացրել Երևանի թիվ 1 տուն-ինտերնատ։

Այցի ընթացքում առանձնազրույցներ են տեղի ունեցել խնամվող անձանց հետ, վեր են հանվել տուն-ինտերնատում առկա, դեռևս չլուծված խնդիրները:

Մասնավորապես, ուսումնասիրվել է տրամադրվող սնունդը, դրա որակը, շենքային պայմանները, խոհանոցը, ճաշարանը, խնամվող անձանց սենյակների, անկողնային պարագաների մաքրությունը, լոգանքի պայմանները, տրամադրվող դեղորայքը:

Տեղի է ունեցել առանձնազրույց նաև բժշկի հետ, քննարկվել է անհրաժեշտության դեպքում խնամվող անձանց բուժհաստատություններ տեղափոխելու հնարավորությունը:

Այցի արդյունքներն ամփոփելուց հետո բարձրացված խնդիրների լուծման նպատակով համապատասխան հարցադրումներ կներկայացվեն ու առաջարկներ կարվեն պատկան մարմիններին։

Հիշեցնենք, որ դեռևս անցյալ տարի Երևանի թիվ 1 տուն-ինտերնատում խնամվող անձանց պահման պայմանների անբավարար լինելու վերաբերյալ Պաշտպանի աշխատակազմում ստացված բողոքների հիման վրա նախաձեռնված քննարկման ընթացակարգի արդյունքում լուծվել են հիմնարար խնդիրներ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter