Շաբաթ, 22 սեպտեմբերի

Վճռաբեկ դատարանի նախագահի պաշտոնում ԲԴԽ-ն առաջադրել է Երվանդ Խունդկարյանի թեկնածությունը



Բարձրագույն դատական խորհուրդը Վճռաբեկ դատարանի նախագահի թափուր պաշտոնում առաջադրել է Երվանդ Խունդկարյանի թեկնածությունը:

Երվանդ Խունդկարյանը Վճռաբեկ դատարանի քաղաքացիական և վարչական պալատի նախագահն է: Խունդկարյանն աշխատել է գերագույն դատարանում, եղել է տնտեսական դատարանի դատավոր, Վերաքննիչ քաղաքացիական դատարանի դատավոր, ապա աշխատել Վճռաբեկ դատարանում: Ունի վաստակավոր իրավաբանի կոչում:

ԱԺ կանոնակարգ-օրենքի համաձայն՝ Վճռաբեկ դատարանի նախագահի ընտրությունը փակ-գաղտնի ընթացակարգով է, թեկնածուն ընտրվում է պատգամավորների ձայների 1/3-ով:

Քվեարկությունը լինելու է վաղն առավոտյան տասին:

Հիշեցնենք, որ Վճռաբեկ դատարանի նախկին նախագահ Արման Մկրտումյանը հունիսի 5-ին հրաժարականի դիմում էր ներկայացրել:

Լուսանկարում ձախից՝ Երվանդ Խունդկարյանը, աջից՝ Արման Մկրտումյանը

 


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ