HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Լենա Նազարյան. «Եթե գաղտնալսում են ԱԱԾ տնօրենին, ուրեմն կարող էին գաղտնալսել պաշտպանության նախարարին, անվտանգության խորհրդի քարտուղարին»

ԱԺ «Ելք» խմբակցության պատգամավոր Լենա Նազարյանն ԱԺ հայտարարությունների ժամին անդրադարձավ ԱԱԾ տնօրենի և ՀՔԾ պետի հայտնի գաղտնալսմանը: Հիշեցնենք, որ ԱԱԾ տնօրեն Արթուր Վանեցյանը և ՀՔԾ պետ Սասուն Խաչատրյանը համատեղ հրավիրված ասուլիսին հայտարարեցին, որ իրենց գաղտնալսել են, խոսակցությունն իրական է:

«Գաղտնալսումից պարզ է մի բան, որ դատավորներին ոչ մի հրահանգ չի տրվել ու չի տրվելու, եղել է մի ուղերձ՝ չվախենալ, չկաշկանդվել, եթե կան օրինական հիմքեր, կալանավորել»,- ասաց պատգամավորը:

Լենա Նազարյանի համոզմամբ՝ դատավորները տարիներ շարունակ այն պրակտիկան են կիրառել, որ այս կամ այն պաշտոնյաներին են զանգահարել հարցրել, թե ինչ վճիռ կայացնեն, սակայն այժմ իրավիճակ է փոխվել:

Պատգամավորը հիշեցրեց, որ ՀՀ-ում գաղտնալսում կարող են իրականացնել միայն համապատասխան պետական կառույցները:

«Ցանկացած այլ դեպքում անձանց գաղտնալսումը գործիք է, որը օգտագործվում է պետության շահերի դեմ, եթե գաղտնալսում են ԱԱԾ տնօրենին, ուրեմն կարող են կամ կարող էին գաղտնալսել պաշտպանության նախարարին, անվտանգության խորհրդի քարտուղարին, և ի՞նչ իմանանք, թե այդ նյութերը չեն օգտագործվելու մեր պետության դեմ, չեն դարձել շանտաժի նյութ»,- ասաց Նազարյանը:

Լենա Նազարյանը տեղեկացրեց, որ գլխավոր դատախազությունը գաղտնի ձայնագրության փաստի հիման վրա քրեական գործ է հարուցել, «հասարակությունը պետք է իմանա, թե ովքեր են այն մարդիկ, ովքեր պետության մեջ փորձում են պետություն լինել»:

Նազարյանի ելույթից հետո արձագանքեց ՀՀԿ մամուլի խոսնակ, ԱԺ փոխխոսնակ Էդուարդ Շարմազանովը՝ ասելով, որ կարծում էր՝ այդ ձայնագրությունը իրական չէ, սակայն եթե կողմերը ընդունել են, իր պատրաստած հայտարարությունը կփոխի և այլ հայտարարությամբ հանդես կգա:

Մեկնաբանություններ (1)

Albert
А это потому, что преступники продолжают жить за счёт народа, хотя им место в тюрьме. Пора понять раз и навсегда, республиканец,вор и грабитель родного дома и семьи, патологически неисправим.А вы хоть и вынужденно, с ними цацкаетесь...

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter