Չորեքշաբթի, 19 սեպտեմբերի

Տիգրան Ուրիխանյանը՝ ԱԺ Գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահի թեկնածու



Խորհրդարանը քննարկում է ԱԺ Գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահի ընտրության հարցը: Հիշեցնենք, որ պաշտոնը թափուր էր մնացել «Ծառուկյան» խմբակցության պատգամավոր Վարդան Բոստանջյանի՝ մանդատը վայր դնելուց հետո: «Ծառուկյան» խմբակցությունը այս պաշտոնում առաջադրել է խմբակցության պատգամավոր Տիգրան Ուրիխանյանի թեկնածությունը: Թեկնածությունը ներկայացրեց խմբակցության քարտուղար Վահե Էնֆիաջյանը: Տիգրան Ուրիխանյանը շնորհակալություն հայտնեց գործընկերներին ու խմբակցության ղեկավարին վստահության և իր թեկնածությունն առաջադրելու համար՝ վստահեցնելով, որ հանձնաժողովն աշխատելու է  21-րդ դարին համահունչ ու լինելու է նախաձեռնող:

«Պատրաստ եմ ծառայել հայոց խորհրդարանին»,- ասաց Տիգրան Ուրիխանյանը: Հիշեցնենք, որ ԱԺ կանոնակարգ-օրենքի համաձայն՝ մշտական հանձնաժողովի նախագահի ընտրությունը փակ-գաղտնի ընթացակարգով է նախատեսված՝ քվեարկությանը մասնակցող պատգամավորների ձայների մեծամասնությամբ:

 


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ