HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

ՊՊԾ գնդի գրավման գործով տուժող ոստիկանը տեղյակ չէ՝ ինչ հանգամանքներում են սպանվել ոստիկանները

ՊՊԾ գնդի գրավման գործով դատարանում այսօր ցուցմունք տվեց տուժող ոստիկան Խաչատուր Մուրադյանը: Վերջինս, ըստ գործի նյութերի, ՊՊԾ գնդում պատանդ է պահվել: Նա նշեց, որ տեղյակ չէ, թե ինչ հանգամանքներում են գնդում սպանվել ոստիկանները:

Նախագահող դատավոր Մեսրոպ Մակյանը հիշեցրեց, որ ամբաստանյալ Պավել Մանուկյանը հայտարարել է, թե ոստիկան Գագիկ Մկրտչյանը մահացու հրազենային վիրավորում է ստացել ոչ թե Արմեն Բիլյանի, այլ Էդուարդ Գրիգորյանի կողմից պատահական արձակված կրակոցից, ու հետաքրքրվեց, թե արդյոք ոստիկան Մուրադյանին նման հանգամանք հայտնի է: Տուժողը նշեց, որ իրեն նման տվյալ հայտնի չէ:

Թե ով է կրակել Մկրտչյանի ուղղությամբ, ոստիկանը չգիտի, բայց դատարանին հայտնեց, որ նրան տեսել է արդեն վիրավորված: Ըստ ոստիկանի ցուցմունքի՝ Մկրտչյանի ձեռքը որովայնի շրջանում պահված է եղել, և ինքը արյուն է տեսել այդ շրջանում:

«Որովայնից արյուն էր հոսում, հենվեց պատին ասաց՝ վախ, մեռա»,- վիրավորված, ապա հիվանդանոցում օրեր անց մահացած Մկրտչյանի մասին պատմեց Խաչատուր Մուրադյանը:

Ոստիկանի խոսքով՝ ՊՊԾ գունդը գրաված «Սասնա ծռեր» խմբի անդամներն իր հասցեին սեռական բնույթի հայհոյանքներ են հնչեցրել, իսկ Պավել Մանուկյանն իրեն անվանել է «անբարոյական»։ 

Տուժողը նշեց, որ փախուստի է դիմել ՊՊԾ գնդի հետնամասից։ Հիշեցնենք, որ դատարանում այսօր քննվում է ՊՊԾ գնդի տասը անդամի, այդ թվում՝ սպանության մեջ մեղադրվողների վերաբերյալ գործը: 

Այս պահին ՊՊԾ գնդի գրավման գործով անցնող անձանցից կալանքի տակ են գտնվում միայն Պավել Մանուկյանը, Արմեն Բիլյանն ու Սմբատ Բարսեղյանը։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter