HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

«Իրենց դուռն է, ուզում են` խփում են»,- ասաց վարչապետը ցուցարարների` կառավարության շենք մտնելու փորձի մասին

Կառավարության նիստին զուգահեռ հարյուրավոր քաղաքացիներ կառավարության շենքի դիմաց բողոքի ակցիա էին իրականացնում։ Նիստից հետո քաղաքացիները փորձում էին մուտք գործել կառավարության շենք՝ հարվածելով շենքի ապակիներին, սակայն նիստի ավարտից հետո ցուցարարների մոտ իջավ վարչապետ Նիկոլ Փաշինյանը։ Ցուցարարները վարչապետին դիմավորեցին ծափողջույններով ու «Նիկոլ», «Նիկոլ» վանկարկումներով։

Ցուցարարների մի մասը Արմավիրի մարզի Եղեգնուտ համայնքի բնակիչներն էին, նրանց խոսքով՝ եկել էին ակցիա իրականացնելու՝ պահանջելով իրենց համայնքի նախկին ղեկավարի պաշտոնավարումը։ Հիշեցնենք, որ Եղեգնուտ համայնքի ղեկավարը ՀՀԿ-ական Ռազմիկ Մարգարյանն էր, որը 1991 թվականից զբաղեցնում է համայնքի ղեկավարի պաշտոնը, իր լիազորությունները վաղաժամկետ դադարեցնելու դիմում էր գրել, սակայն մարզպետի կողմից համայնքի ղեկավարի ժամանակավոր պաշտոնակատար նշանակելու որոշումը բողոքարկում է դատական կարգով։ Եղեգնուտցիները դժգոհեցին, որ Արմավիրի մարզպետը ԲՀԿ-ական է, և համայնքների ղեկավարներին էլ է ԲՀԿ-ական նշանակում։

Վարչապետը զանգահարեց տարածքային կառավարման և զարգացման նախարար Սուրեն Պապիկյանին, նախարարը տեղեկացրեց, որ համայնքի բնակիչների մի մասն էլ իրենց նախարարության մոտ է ակցիա իրականացնում, և այժմ ինքը զրուցում է բնակիչների հետ։ Վարչապետը տեղեկացավ, որ գործը այժմ դատական կարգով վիճարկվում է և խոստացավ, որ ամեն ինչ օրենքի շրջանակում կլուծվի։

Ուշագրավն այն է, որ համայնքի ղեկավարը լիազորությունները վաղաժամկետ դադարեցնելու դիմում էր ստորագրել հենց նույն համայնքի բնակիչների ակցիաների հետևանքով, այսօր սակայն բնակիչները պնդում են, որ պահանջում են իրենց նախկին համայնքի ղեկավարին, այլ ոչ թե ԲՀԿ-ականի։

Վարչապետի հետ զրուցելուց հետո ցուցարարները սկսեցին լուսանկարվել նրա հետ։

Կառավարության շենքի մոտ ակցիա էին իրականացնում նաև Գեղարքունիքի մարզի սահմանամերձ Արծվաշեն համայնքի բնակիչները։ Վերջիններս փոխհատուցում են պահանջում իրենց բնակարանները վերանորոգելու համար։ Վարչապետը նրանց հինգ հոգանոց աշխատանքային խմբին կընդունի հոկտեմբերի 2-ին։

Տարբեր քաղաքացիներ ևս իրենց խնդիրներով դիմեցին վարչապետին, խնդրեցին մի քանի սելֆիներ և կրկին «Նիկոլ», «Նիկոլ» վանկարկումներով վարչապետին ճանապարհեցին կառավարության շենք։ Լրագրողի դիտարկմանն ի պատասխան, որ քաղաքացիները փորձում էին բռնությամբ ներս մտնել, խփում էին դռներն և պատուհանները, վարչապետն արձագանքեց․ «Իրենց դուռն է, ուզում են` խփում են»։

Մեկնաբանություններ (4)

ani
don't trust russians !! They cooperate with turks and azerbies (because these have oil and gas .. Putin is not honest, he just wants to sell his gas(prom) to armenians and keep influence and cotrol
Gago
Who said anything about trust? You never trust any coubtry eith your own country’s problems. But fact remains that Russia is the only current reliable ally. Unlike USA who is responsible for half a million deaths in Syria since 2011.
Gago
Also, reveal one country who doesn’t cooperste with Turkey and Azeries for oil and gas, that Armenia can “trust”. Your comment is not very well thought out.
Josef
This situation is not normal in Armenia. Turks must be very glad and pleasure to see Armenia today. Dear Armenians, work very hard and rely on yourself. ASAP buy new military hardware from Russia and keep good relations with Russia.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter