Պարզվում են «Սուրբ Գրիգոր Լուսավորիչ» ԲԿ-ում պայթյունի հանգամանքները
Առողջապահության նախարարության ենթակայության «Սուրբ Գրիգոր Լուսավորիչ» բուժկենտրոնի թթվածնի արտադրության կայանում թթվածնի բալոնի պայթյունի հետևանքով մահացել է նույն արտադրամասի տեխնիկ-օպերատորը: Այս մասին տեղեկացնում է նախարարությունը:
Եւս մեկ աշխատակից թեթև վնասվածքներով անմիջապես տեղափոխվել է նույն բուժհաստատություն, ուր ստանում է անհրաժեշտ բուժօգնություն:
Հիշեցնենք, որ պայթյունը գրանցվել էր կեսօրին մոտ: Զոհվածը, ըստ ոստիկանության, 1978 թվականին ծնված քաղաքացի է:
Առողջապահության նախարարության նախնական տվյալներով` կայանում պայթած թթվածնի բալոնը հիվանդանոցին չի պատկանում: Ոստիկանությունն իրականացնում է համապատասխան գործողություններ, պարզվում են հանգամանքները:
Լրացուցիչ տեղեկությունները կհաղորդվեն լրացուցիչ:
լուսանկարը՝ արխիվային
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել