177 միլիոն դրամ՝ «Նաիրիտ գործարան»-ի պահպանման նպատակով

12:34, 21 հունիսի, 2018

Կառավարությունն այսօրվա նիստին որոշեց արտակարգ իրավիճակների նախարարությանը հատկացնել մոտ 177 միլիոն դրամ: Գումարն ուղղվելու է «Նաիրիտ գործարան» ՓԲԸ-ի տեխնոլոգիական համակարգերում, տարողություններում և սարքավորումներում առկա քիմիական նյութերի և սարքավորումների անվտանգ պահպանության իրականացմանն աջակցելու նպատակով:

Կառավարության պահուստային ֆոնդից այս գումարը որպես դրամաշնորհ տրամադրվելու է ԱԻՆ-ի ենթակայությամբ գործող «Տեխնիկական անվտանգության ազգային կենտրոն» ՊՈԱԿ-ին: