Շաբաթ, 25 մայիսի

Հասարակություն  |  

Փողոցի շները միշտ փողոցներում չեն մահանում. Սլավիկ Չիլոյան


21:24, 22 հուլիսի, 2012

Սլավիկ Չիլոյան

Փողոցի շները միշտ փողոցներում չեն մահանում

Այնպես խաղաղ էր դրսում,
այնքան ցուրտ,
որ ոռնում էր մի շուն:
Մոտեցա նրան ու հարցրի.
շուն,
ի՞նչ կա աշխարհում.
ոչինչ, ասաց նա,
տաք տեղ եմ փնտրում: 

RONDO

Դու լույսի մեջ
ես մթան
դու ինձ երբեք չես տեսնում
գնում եմ ես գլխիկոր
գլխի
գլխի
գլխիկոր

Ես լույսի մեջ
դու մթան
ես քեզ երբեք չեմ տեսնում
գնում ես դու գլխիկոր
գլխի
գլխի
գլխիկոր

Ես լույսի մեջ
դու լույսի
բնավ իրար չենք տեսնում
ու գնում ենք գլխիկոր
գլխի
գլխի
գլխիկոր


Կիրակի օրը

ես այնքան կուզեի 
մարդկության այս լրջության քողը
հանել հագից,
լվանալ երկար.
հետո,
որպես մի սպիտակ խալաթ
մանկապարտեզի փոքրիկ աղջկա`
հագցնել նրան.
ու թող որ
թռվռար իմ շուրջը
այս մարդկությունը`
մանկապարտեզի փոքրիկ աղջկա
սպիտակ խալաթով...


Գլխավոր էջ



Մեկնաբանություններ (4)
1. Վարազ Սյունի (Ամստերդամ)04:06 - 23 հուլիսի, 2012
Լավն է. հատկապես առաջին երկուսը:
2. Hasmik11:37 - 23 հուլիսի, 2012
Լավն էին,խորն էին և զգացմունքային: Եթե կարելի է, ես կուղարկեմ քրոջս`Թերեզա Պողոսյանի բանաստեղծություններից, որը նույնպես հայրենիքում չի բնակվում, որոնք անչափ լավն եմ, գուցե դա իմ սուբյեկսիվ կարծիքն է: Հասմիկ
3. Սլավիկի ժամանակակից09:29 - 29 հուլիսի, 2012
Լավ կլինի տրվի նաև Սլավիկի կենսագրությունը, որտեղ ևս այնքան ցավ կա;
4. Susan14:46 - 3 օգոստոսի, 2012
Չեմ կարողանում հասկանալ ինչն է լավ ,անկապ տողեր ,անկապ մտքերով : Ինչ որ մեկը հիշում է Տերյանի ,Թումանյանի ,Իսահակյանի ,Սևակի,Շիրազի,Սահյանի,Դավթյանի թեկուզ ստեղծագործման վաղ շրջանում նման գործեր :Ուղակի ցավում եմ :
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լրահոս

Բոլոր նորությունները

Արխիվ

 
 
  Պատրաստված է՝

Մեր մասին

Հասցե՝ Հայաստանի Հանրապետություն,
Երեւան-0010, Բուզանդի 1/3, 8-րդ հարկ
Հեռ.՝ +374 10 563363
Էլ-փոստ՝ info@hetq.am

Մեջբերումներ անելիս հղումը «Հետքին» պարտադիր է:
© 2013 Հետք online: Բոլոր իրավունքները պաշտպանված են:
Աջակցեք «Հետքին»