Որքան հասկացանք՝ Ալ. Վարպետյանի մուտքը ՀՀ տարածք արգելվել է «Օտարերկրացիների մասին» ՀՀ օրենքի 8-րդ հոդվածի 1-ին մասի «գ» կետի հիմքով, այն է. Օտարերկրացու մուտքը Հայաստանի Հանրապետություն արգելվում է, եթե՝ գ) գոյություն ունեն հավաստի տվյալներ, որ նա իրականացնում է այնպիսի գործունեություն, մասնակցում, կազմակերպում կամ հանդիսանում է այնպիսի կազմակերպության անդամ, որի նպատակն է՝ - վնաս պատճառել Հայաստանի Հանրապետության պետական անվտանգությանը, տապալել սահմանադրական կարգը, թուլացնել պաշտպանունակությունը, - իրականացնել ահաբեկչական գործունեություն, - սահմանով ապօրինաբար (առանց համապատասխան թույլտվության) տեղափոխել զենք, ռազմամթերք, պայթուցիկ նյութեր, ռադիոակտիվ նյութեր, թմրանյութեր, հոգեներգործուն նյութեր կամ - իրականացնել մարդկանց առևտուր (թրաֆիքինգ) և (կամ) անօրինական սահմանահատումներ: Ինչպես կարող է 70 տարեկան հայրենասեր գիտնական այրը, որի միակ «զենքն» իր գրիչն է, անհեթեթության աստիճանի հասնող ցինիզմով մեղադրվել նման ծանր հանցանքների մեջ: Եթե նրա գաղափարներն են ի վիճակի վնաս պատճառել մեր պետական անվտանգությանը, ապա ինչու http://www.eutyun.org/ կայքէջի հրապարակումները և Ալ. Վարպետյանի հեղինակած բազմաթիվ գրքերը տարիներ շարունակ վաճառվելով Երևանի գրախանութներում որևէ կերպ չեն վնասել այդ անվտանգությանը: Հետևությունը մեկն է՝ ժամանակին մի հիմար քարը նետել է ջրհորը, իսկ հարյուր խելոքներ չեն կարողանում կամ չեն ուզում այն հանել ջրհորի հատակից:

ՀՀ իշխանութիւններու գործած հերթական ապօրինութեան իսկական պատճառը սա է` http://www.payqar.net/?author=5

Ինչպես կասեր հենց ինքը Էաբան-Ազգաբան Ալեքսանդր Վարպետյանը. «Ազգերը մեռնում են տխմարությունից...»