Հունվարի 30-ին Կոտայքի մարզի դատախազությունից ոստիկանության Կոտայքի բաժնում գրություն է ստացվել հունվարի 8-ին «Haynews.am» լրատվական ծառայությունից ստացված ահազանգի առթիվ, ըստ որի՝ Գառնի գյուղի վարչական տարածքում գտնվող «Ազատի կիրճ» կոչվող տեղամասում ծառահատումներ են կատարվել:

ՀՀ բնապահպանության նախարարությունը հունվարի 9-ին և հունվարի 10-ին տեղազննություն էր իրականացվել Գառնիի վարչական տարածքի նշված տեղամասում:

Նյութերի նախապատրաստման ընթացքում պարզվել է, որ «Ազատի կիրճում» անհայտ անձը կատարել է 77 ապօրինի ծառահատում, ինչի հետևանքով պատճառվել է 2.407.500 դրամի վնաս:

Ոստիկանությունը հայտնում է, որ փաստի առթիվ նախապատրաստված նյութերն ուղարկվել են Կոտայքի քննչական բաժանմունք: