Արամ Մանուկյան. «5 հազար դրամը հաղթեց քաղաքացուն»
«Չէի պատկերացնում նման վիճակ, ճակատ առ ճակատ բախվեցի աղքատությանը, թշվառությանը և արտագաղթի հետևանքներին»,- այսօր մամուլի ասուլիսի ժամանակ հայտարարեց ՀՀՇ վարչության նախագահ Արամ Մանուկյանը՝ անդրադառանալով փետրվարի 12-ին Հրազդանում անցակացված քաղաքապետի ընտրություններին:
Նա նշեց, որ իրենք ցուցակներում հայտանաբերել են 120 հոգի, ովքեր չունեին ծննդյան ամիս-ամսաթիվ. դրա փոխարեն գրված են եղել 0-ներ: Այդ մարդիկ հիմնականում փախստականներ էին:
Քվեարկողների մեջ եղել են բազմաթիվ հիվանդներ, հոգեկան հիվանդներ, որոնց թիվը Ա. Մանուկյանի խոսքերով՝ յուրաքանչյուր տեղամասում միջինը 40-50 հոգի էր: Դրանք մարդիկ էին, ովքեր չէին կարող ձայն հանել կամ իրենց կամքն արտահայտել: Ա. Մանուկյանը հիշեց մի աղջկա, ով ժամը մեկ ուրախությամբ բերում էր իր հիվանդ քույր ու եղբայրներին, քանի որ դա իր համար փող աշխատելու միջոց էր: Բացի այդ՝ ընտրատեղամաս էին գալիս հողաթափերով ծերեր, ովքեր սպասում էին ընտրություններին մասնկացելու համար իրենց խոստացված փողին: Ա. Մանուկյանի խոսքերով՝ կային բազմաթիվ մարդիկ, ովքեր աղքատ էին, ում հասցրել էին այդ վիճակին:
«Սովը, 5 հազար դրամը հաղթեց քաղաքացուն»,- հավելեց Ա. Մանուկյանը:
Վերջինիս խոսքով՝ աղքատությունը, կաշառքը, արտագաղթը հիմքն են ըտնրություններում հաղթելու համար, իսկ ցուցակները՝ միջոց: Հնարավոր չէ, որ սոցիալապես նման վատ վիճակում գտնվող երկրում իշխանությունները վերարտադրվեն: Նրա խոսքերով՝ Հրազդանում նախորդ ընտրություններից հետո ընտրողների թիվը 3000-ով ավելացել է, ինչը հնարավոր չէ: Բացի այդ՝ ոստիկանները շարասյունով պտտվում էին բոլոր տեղամասերով՝ հոգեբանական ճնշում գործադրելով բնակիչների վրա:
Ա. Մանուկյանի խոսքով՝ ցուցակները կան, բայց դրանք հասանելի չեն, այդտեղ են թաքնված «բոլոր կեղտերը»: Նա նշեց, որ իր տեղամասում շատերը խոստովանել են, որ եկել են տարբեր տեղերից: Իսկ ընտրություններին մասկացությունը հաստատող դրոշմակնիքներ չեն դրվել, որպեսզի չերևա, որ ընտրողներն այլ տեղերից են եկել:
Բանախոսի խոսքով՝ ինքը կարողացել է գրանցել բոլոր խախտումներն առանց արգելքի. հրահանգված է եղել ներսում ոչինչ չանել, ինչ եղել է, դրսում է եղել:
Ա. Մանուկյանը տեղեկացրեց, որ Երևանի ավագանին ընդունել է աղբահանության մասին որոշում, որի մասին քաղաքացիներին իրազեկելու համար համատիրությունները հասցեներով ստորագրություններ են վերցնում: Այդ ցուցակով երևում են այն բնակարանները, որտեղ մարդիկ ապրում են և չեն ապրում: Այդ ցուցակներով էլ իշխանությունները պատրաստվում են առաջիկա խորհրդարանական ընտրություններին: Ա. Մանուկյանը նշեց, որ այդ մեթոդի մասին գաղտնի ձևով իմացել է ՀՀԿ-ից:
ՀՀՇ վարչության նախագահը հայտարարեց, որ Սերժ Սարգսյանը ձախողել է իր քաղաքական խոստումները, որոնք տվել է եվրոպական կառույցներին, ըստ որոնց՝ լինելու են արդար և ազատ ընտրություններ: Այնինչ Հրազդանի ընտրություններով «նա ապացուցեց, որ սուտասան է»: Ա. Մանուկյանի խոսքով՝ իշխանությունը սուտասան է և ընտրագող, նա ի վիճակի չէ առաջիկայում նորմալ ընտրություններ անցկացնել:
Վերջինս իր հույսը կապում է ժողովրդի հետ: Նա հպարտ է, որ Հրազդանում ազատ քվեարկել է 11.500 քաղաքացի, ովքեր հաղթահարել են ճնշումները, դա իրենց հաղթանակն է: Ա. Մանուկյանի խոքերով՝ 5 հազար դրամը ժողովրդի մի մասին կերավ, բայց կա նաև այն մասը, ով ազատ է իր ընտրության մեջ:
Լուս.՝ Ֆոտոլուրի
Մեկնաբանություններ (3)
Մեկնաբանել