Նիկոլ Փաշինյանն ու Արմեն Սարգսյանը շնորհավորել են Մալթայի իրենց գործընկերներին երկրի Անկախության օրվա առթիվ
Վարչապետ Նիկոլ Փաշինյանը շնորհավորական ուղերձ է հղել Մալթայի Հանրապետության վարչապետ Ժոզեֆ Մուսկատին Անկախության օրվա առթիվ:
Ինչպես հաղորդում է վարչապետի պաշտոնական կայքը, ուղերձում մասնավորապես ասվում է.
«Ջերմորեն շնորհավորում եմ Ձեզ և Մալթայի բարեկամ ժողովրդին՝ Մալթայի Հանրապետության Անկախության օրվա կապակցությամբ՝ մաղթելով Ձեր երկրին հետագա առաջընթաց և բարգավաճում:
Համոզված եմ, որ համատեղ ջանքերով կարող ենք նպաստել մեր երկրների միջև առկա փոխշահավետ համագործակցության զարգացմանն ու ընդլայնմանը՝ ի նպաստ մեր ժողովուրդների բարօրության»:
Նախագահ Արմեն Սարսգյանն էլ իր հերթին Մալթայի Հանրապետության Անկախության օրվա առթիվ շնորհավորել է երկրի նախագահ Ջորջ Վելային:
Նախագահականի փոխանցմամբ՝ Արմեն Սարգսյանը նշել է, որ Հայաստանը շահագրգռված է ընդլայնելու երկկողմ հարաբերությունների օրակարգը և հարստացնելու այն նոր ծրագրերով և նախաձեռնություններով։
Մեկնաբանել