Այսօր լրագրողների հետ հանդիպման ժամանակ հարցին, թե արդյոք ճիշտ են շրջանառվող այն լուրերը, թե ՀՀԿ-ն չի ուզում իր շարքերում տեսնել գործարար Սիլվա Համբարձումյանին, ՀՀԿ խմբակցության պատգամավոր Գալուստ Սահակյանը պատասխանեց. «Ո՞վ ա Սիլվա Համբարձումյանը: Ես չեմ էլ ճանաչում, ո՞ւմ մասին եք խոսում, ինչի՞ մասին եք խոսում»:

Երբ լրագրողները փորձեցին վերջինիս հիշեցնել Սիլվա Համբարձումյանի ով լինելը, Գ. Սահակյանը հավելեց. «Այ տեսնում եք՝ մարդը կարող էդպես մեծ քամիներ բարձրացնել և ակնհայտ դառնա, բայց ես մոռացության տամ, որի համար ներողություն եմ խնդրում: Ի՞նչ Սիլվա Համբարձումյան: Ոչ տեսել եմ, ոչ էլ բարևել եմ: Ի՞նչ իմանամ»: