Ակտիվիստները բնապահպանական կոնֆերանս են կազմակերպում
Կոնգրես հյուրանոց, հանդիսությունների դահլիճ, ապրիլի 10, 2012
Վերջին տարիներին Հայաստանում աննախադեպ չափերի է հասել բնության ավերումը եւ բնական ռեսուրսների անարդյունավետ օգտագործումը: Բացվում են նոր հանքավայրեր, չեն դադարում «օրինական» եւ ապօրինի անտառահատումները, հողերի աղտոտումը հասնում է աղետալի չափերի, ջրային ավազանը «հարստանում է» տարբեր աղտոտիչներով եւ այլն: Այսպես այլեւս չի կարող շարունակվել եւ անհրաժեշտ է բնապահպանության ոլորտում իրականացնել համակարգային, հիմնարար փոփոխություններ:
Նպատակը – Կոնֆերանսի նպատակն է եւս մեկ անգամ հանրությանը ներկայացնել ՀՀ բնապահպանական ամենահրատապ խնդիրները եւ առաջարկել իրավիճակից դուրս գալու իրատեսական լուծումներ:
Որպես իրավիճակից դուրս գալու տարբերակ առաջարկում ենք նաեւ դիտարկել բնապահպանության ոլորտում հանրային տեսչության/մոնիտորինգային մարմնի ձեւավորման եւ հատուկ բնապահպանական հիմնադրամի ստեղծման հարցերը, որոնք կարող են արդյունավետ գործիքներ դառնալ ներկայիս բնապահպանական հիմնախնդիրների լուծման եւ մեր երկրի տնտեսության բանական զարգացման համար:
Վայրը – Երեւան, Կոնգրես հյուրանոց, հանդիսությունների դահլիճ:
Օրը, ժամը – Ապրիլի 10, ժամը 13.30-18.00:
Ձեւաչափը – Նախատեսվում են 15 րոպեանոց ելույթներ, յուրաքանչյուր ելույթից հետո կլինի 15 րոպեանոց հարցուպատասխան: Մի քանի ելույթներից հետո կլինի կարճատեւ ընդմիջում /20րոպե/:
Թեմաները – Ընտրվել են ներկայիս ամենահրատապ եւ ճգնաժամային իրավիճակում գտնվող ոլորտները
- Հանքարդյունաբերություն,
- Քաղաքաշինություն,
- Անտառներ,
- Ջրերի աղտոտում,
- Կենսաբազմազանություն. հատուկ պահպանվող տարածքներ:
«Թռչկան» քաղաքացիական նախաձեռնություն
Մեկնաբանություններ (5)
Մեկնաբանել