«Առաջին անգամ Ռոբերտ Քոչարյանն իրեն տարանջատեց Սերժ Սարգսյանից»
«Քարոզարշավը մրցակցություն էր ՀՀԿ-ի և ԲՀԿ-ի միջև», - այսօր լրագրողների հետ հանդիպման ժամանակ հայտարարեց ազգագարգետ Հրանուշ Խառատյանը: Նրա կարծիքով' ՀՀԿ-ի ամբողջ գործունեությունն ուղղված էր ԲՀԿ-ի դեմ, իսկ ԲՀԿ-ի համար սա քաղաքական լիդերության լուրջ հայտ էր:
Քաղաքական տեխնոլոգ Կարեն Քոչարյանի կարծիքով' ՀԱԿ-ում կան քաղաքականապես կոփված գործիչներ, որոնք, հասկանալով, որ իրենք չունեն մեծ ռեսուրսներ և նախկին ծայրահեղական ընտրազանգվածը, որ ՀՀԿ-ի հիմնական հակակշիռը կարող է լինել ԲՀԿ-ն, աշխատեցինԲՀԿ-ի համար, ոչ թե ՀԱԿ-ի: ՀԱԿ-ն անգամ փորձեց ԲՀԿ-ն և Վարդան Օսկանյանին տարանջատել Ռոբերտ Քոչարյանից: «Ամեն ինչ անում էր ի օգուտ ԲՀԿ-ի' հասկանալով, որ դա վնաս է իրեն»,- նշեց քաղաքական տեխնոլոգը:
Հրանուշ Խառատյանի կարծիքով' ՀԱԿ-ն այլևս չունի քաղաքական ռեալ հեռանկար, և նրա մեջ նստած է միայն վրեժխնդրություն ՀՀԿ-ի նկատմամբ: Մի կողմից' ՀԱԿ-ը պայքար է տանում ներկա իշխանությունների դեմ, մյուս կողմից այդ իշխանության մաս է նաև ԲՀԿ-ն: Հետևաբար, ՀԱԿ-ի թիրախը ոչ թե ներկա իշխանություններն են, այլ հենց ՀՀԿ-ն:
Անդրադառնալով հետընտրական հնարավոր զարգացումներին' Կ. Քոչարյանը նշեց, որ հիմնական 6 ուժերն էլ կհայտնվեն խորհրդարանում, գուցե դժգոհություն լինի տոկոսների վերաբերյալ, սակայն բողոքը կտևի մի քանի օր միայն:
Հ. Խառատյանը մտավախություն ունի, որ ԲՀԿ-ին չեն գոհացնի իր օգտին գրանցված արդյունքները, և նոր կազմավորված խորհրդարանում արդեն կարող է ճգնաժամ առաջանալ ԲՀԿ-ի և ՀՀԿ-ի միջև: Հարցի հանգուցալուծումը կարող է լինել կոալիցիան, հակառակ դեպքում կլինեն լուրջ կոնֆլիկտներ: Այնուամենայնիվ, հաջորդ տարի լինելու են նախագահական ընտրությունները, Հ. Խառատյանի խոսքերով, ամեն ջանք կգորածդրվի, ոպեսզիր ճգնաժամը չսկսվի կամ չխորանա:
Իսկ Կ. Քոչարյանը գտնում է, որ խորհրդարանական խմբակցություններում կլինեն խնդիրներ: Սակայն ԲՀԿ-ն այն ուժը չէ, որ դուրս գա փողոց: Այն, լինելով «խորը իշխանական կուսակցություն, բոլոր դժգոհություններն իր խոհանոցում է միայն արտահայտելու»:
Անդրադառնալով Ռոբերտ Քոչարյանի' «Մեդիամաքսին» տված վերջին հարցազրույցին, քաղաքական տեխնոլոգը նշեց, որ այն ուներ մեկ հիմնական մեսիջ.
«Առաջին անգամ Ռոբերտ Քոչարյանն իրեն տարանջատեց Սերժ Սարգսյանինց»: Չնայած նախկինում եղել են որոշ մանր դեպքեր, բայց հիմա դա կտրուկ արվեց: Միաժամանակ, ՀՀ երկրորդ նախագահը փորձում էր հասկցանել' ձեռք չտաք ԲՀԿ-ի ձայներին:
Մեկնաբանություններ (1)
Մեկնաբանել