Կանանց իրավունքների կենտրոնը մայիսի 15-ին Երևանի Հ.Թումանյանի անվան պետական տիկնիկային թատրոնում կազմակերպում է ռոք համերգ՝ «Ռոքն ընդդեմ կանանց նկատմամբ բռնության» խորագրով ակցիայի շրջանակներում, The Beautified Project խմբի մասնակցությամբ:

Ակցիան նվիրված է կանաց և երեխաների դեմ իրականացվող բռնության կանխարգելմանը ամբողջ աշխարհում:

Ակցիայի նպատակն է բարձրացնել հասարակության իրազեկվածության մակարդակը բռնության, մասնավորապես կանանց դեմ իրականցվող բռնության վերաբերյալ:

Կանանց իրավունքների կենտրոնը ոչ կառավարական, շահույթ չհետապնդող կազմակերպություն է, որն աշխատում է կանանց և նրանց երեխաների նկատմամբ ընտանիքում կիրառվող բռնությունը կանխարգելու ուղղությամբ:

Կենտրոնի նպատակն է բացահայտել ընտանեկան բռնության դեպքերը, բռնության ենթարկված կանանց և նրանց երեխաներին տրամադրել անվճար հոգեբանական և իրավաբանական խորհրդատվություն, սոցիալական և բժշկական օգնություն: